Ganeshotsav 2023 : शिंदे-ठाकरे गटाच्या वादाची गणेशाेत्सवावर झालर, बिंदू चाैकात माेठा पाेलीस बंदाेबस्त; काय घडतयं नेमकं काेल्हापूरात?

- रणजीत माजगावकर

Kolhapur Ganpati Utsav : सर्वत्र गणेशोत्सव आनंदात साजरा केला जात असतानाच काेल्हापूरात मात्र राजकीय वादाची चादर उत्सवावर पडल्याचे चित्र आहे. शिंदे- ठाकरे गटाचा वादात काेल्हापूरातील एका गणेशाेत्सव मंडळात एकाच मंडपात दाेन गणपती बाप्पा विराजमान हाेण्याची चिन्ह निर्माण झाले आहे. (Maharashtra News)

कोल्हापुरातील छत्रपती शिवाजी महाराज चौक या ठिकाणी महत्त्वाचे असे दोन २ गणपती (ganeshotsav) विराजमान होतात. त्यातील छत्रपती शिवाजी चौक संयुक्त मित्र मंडळाचा वाद चव्हाट्यावर आला आहे. त्यातून शहरात तणाव निर्माण होण्याची शक्यता देखील निर्माण झाल्याने पाेलीसांचा परिसरात माेठा बंदाेबस्त ठेवण्यात आला आहे.

वादाचे कारण हे शिंदे आणि ठाकरे गट असल्याची जाेरदार चर्चा आहे. गणेशमूर्ती प्रतिष्ठापना करण्यावरून दाेन्ही गटात वाद निर्माण झाला आहे. हा वाद थेट पोलिस ठाण्यापर्यंत देखील गेला.

त्यानंतर मांडवात २१ फुटी गणपतीच्या मूर्तीची प्रतिष्ठापना करण्यात आली. त्यावर ठाकरे गटाने आक्षेप घेत आज त्याच मंडपात अजून एका गणेशमूर्तीची प्रतिष्ठापना करण्याचा निर्धार केला आहे.

बिंदू चौकात माेठा पाेलीस बंदाेबस्त

त्यासाठी जय्यत तयारी केली आहे. ठाकरे गट त्यांचा बाप्पा घेऊन बिंदू चौकातून छत्रपती शिवाजी चौकाकडे जाणार आहे. कायदा व सुव्यवस्था अबाधित राहावी यासाठी बिंदू चौक परिसरात मोठा पोलीस बंदोबस्त तैनात करण्यात आलेला आहे.

Edited By : Siddharth Latkar