शेतकऱ्यांसाठी दिलासादायक बातमी, नाफेडचे कांदा भाव निश्चितीचे अधिकार काढले,(पाहा व्हिडिओ)

नाफेडने कांद्याला प्रतिक्विंटल चार हजार रुपये भाव द्यावा अशी मागणी महाराष्ट्र राज्य कांदा उत्पादक शेतकरी संघटनेने केली आहे. आगामी काळात हाेणा-या विधानसभा निवडणुकीपूर्वी सरकारने शेतक-यांना दिलासा द्यावा. आत्ताच्या लाेकसभा निवडणुकीत शेतक-यांचा संताप प्रकर्षाने जाणवल्याचे महाराष्ट्र राज्य कांदा उत्पादक शेतकरी संघटनेचे अध्यक्ष भारत दिघोळे यांनी नमूद केले. दरम्यान नाफेड आणि एनसीसीएफचे कांदा खरेदीचे अधिकार काढल्याची माहिती सूत्रांनी दिली.

महाराष्ट्र राज्य कांदा उत्पादक शेतकरी संघटनेचे अध्यक्ष भारत दिघोळे म्हणाले नाफेड आणि 'एनसीसीएफ'च्या माध्यमातून पाच लाख टन कांद्याचा बफर स्टाॅक करण्याचे केंद्र सरकारने निश्चित केले हाेते. त्यासाठी थेट शेतक-यांकडून कांदा खरेदी करावा तसेच किमान तीन ते साडे तीन हजार रुपये दर द्यावा अशी महाराष्ट्रातील शेतक-यांची मागणी हाेती. परंतु तसे काेणत्याही कांदा खरेदी केंद्रावर दिसले नाही.

सध्या नाफेड कांद्याला देत असलेला भाव 2 हजार रुपये देत आहे. यामुळे शेतकऱ्यांचा उत्पादन खर्चही निघत नाही. नाफेडने 4000 रुपये दराने कांदा खरेदी करून शेतकऱ्यांना दिलासा द्यावा अशी मागणी नाशिक जिल्ह्यातील कांदा उत्पादक शेतक-यांनी केली आहे.

Edited By : Siddharth Latkar