Dharashiv Rain : धाराशिवला पावसाने झाेडपलं, आपत्ती व्यवस्थापन कार्यालयात शिरलं पाणी, फकीरा नगरातील रहिवाशांची बिकट स्थिती

- बालाजी सुरवसे

धाराशिव जिल्ह्यात मध्यरात्री झालेल्या मुसळधार पावसामुळे जिल्हाधिकारी कार्यालयातील जिल्हा आपत्ती व्यवस्थापन कार्यालयात पावसाचे पाणी शिरले. यामुळे आपत्ती व्यवस्थापन कार्यालयातील महत्वाचे साहित्य भिजले. पावसामुळे जिल्ह्यातील बहुतांश भागातील रस्त्यावर पाणी साचले. परिणामी वाहतुकीला मोठी अडचण निर्माण झाली हाेती.

पावसाच्या पाण्यामुळे धाराशिव जिल्हा आपत्ती व्यवस्थापनात वापरण्यात येणारे इलेक्ट्रॉनिक बोट, दोरखंड व इतर साहित्य भिजले. या प्रकाराची आपत्ती व्यवस्थापन अधिकारी यांनी पाहणी केली.

धाराशिव शहरात रविवारी मुसळधार पाऊस झाला. फकीरा नगर भागातील घरात पाणी घुसल्याने अनेकांचे संसारपयोगी साहित्य पाण्यात भिजले. यामुळे नागरिकांचे मोठं नुकसान झाले आहे. गटार तुडुंब भरून रोडवर पाणी जमा झाल्यानें हेच पाणी लोकांच्या घरांमध्ये घुसल्याने नागरिकांना मोठा त्रास सहन करावा लागला.

Edited By : Siddharth Latkar