BJP: निवडणुकीत पक्षांतर्गत गद्दारी; भाजपची कार्यकारिणी बरखास्त

- विनायक वंजारे

सिंधुदुर्ग : अंतर्गत राजकारण आणि कलह यामुळे पक्षाचे नुकसान होत असल्यामुळे दाेडामार्गची भारतीय जनता पार्टीची संपूर्ण तालुका कार्यकारिणी बरखास्त करण्यात आली आहे. याबाबतची माहिती भाजपचे (bjp) जिल्हाध्यक्ष राजन तेली (rajan teli) यांनी कणकवलीत (kankavali) पत्रकार परिषद घेऊन दिली आहे. (sindhudurg latest marathi news)

या कारवाईमुळं दोडामार्ग येथे भाजपात दुफळी निर्माण झाली हाेती हे आता स्पष्ट झाले आहे. या भागात नुकतीच नगराध्यक्ष निवडीवेळी पक्षाचा आदेश धुडकावत भाजपचेच दोन नगरसेवक एकमेकांविरधात उभे ठाकले होते.

तसेच निवडणूक प्रक्रिये दरम्यान एक गट अनुपस्थित राहिला होता. त्यामुळे सिंधुदुर्ग (sindhudurg) जिल्हा भाजप गंभीर झाली हाेती. नगराध्यक्ष निवड आणि जिल्हा बँक निवडणूकीत (dcc bank) पक्षांतर्गत झालेली गद्दारीमुळं दाेडामार्ग भाजपची कार्यकारिणी बरखास्त करण्यात आली आहे.

Edited By : Siddharth Latkar