Bus Accident : बस- ट्रकचा भीषण अपघात; चालकांसह बसमधील प्रवासी गंभीर जखमी

Dhule News : गुजरात परिवहन विभागाची बस प्रवासी घेऊन मार्गस्थ झाली होती. बस शिंदखेडा जवळील निमगूळ गावाजवळ असलेल्या बायपास रस्त्यावर आली असता समोरून येणाऱ्या ट्रकवर जाऊन आदळली
Bus Accident
Bus AccidentSaam tv

धुळे : गुजरात राज्याची बस आणि ट्रकचा भीषण अपघात झाला. हा अपघात शिंदखेडा जवळील निमगुळ गावाजवळ असणाऱ्या बायपास रस्त्यावर घडला असून या अपघातात ट्रक आणि बस चालकांसह बसमधील प्रवासी जखमी झाले आहेत. जखमींना लागलीच उपचारासाठी रुग्णालयात रावण करण्यात आले आहे. 

Bus Accident
Pimpri Chinchwad : महापालिकेच्या रुग्णालयात जमा झालेल्या रोख रकमेत घोटाळा; अधिकाऱ्यांकडून रक्कम गायब केल्याचा आरोप

गुजरात परिवहन विभागाची बस प्रवासी घेऊन मार्गस्थ झाली होती. बस शिंदखेडा जवळील निमगूळ गावाजवळ असलेल्या बायपास रस्त्यावर आली असता समोरून येणाऱ्या ट्रकवर जाऊन आदळली. दोन्ही वाहनांमध्ये समोरासमोर धडक झाल्याने हा अपघात झाला आहे. अपघातानंतर मोठा आवाज झाला आणि त्यानंतर स्थानिकांचे या अपघाताकडे लक्ष गेल्यानंतर स्थानिकांनी धाव घेत बचाव कार्य केले आहे. ट्रकची धडक इतकी जोरात होती कि बस (Bus Accident) चालकाकडील बाजू कापली गेली आहे. यामुळे चालकांसह बसमधील प्रवासी जखमी झाले आहेत. 

Bus Accident
Bhandara News : अवजड वाहनांच्या वाहतुकीमुळे रस्त्याची दुरावस्था; स्वामी समर्थ कंपनी विरोध नागरिकांचा रस्ता रोको

दरम्यान (Accident) अपघात झाल्यानंतर परिसरातील नागरिकांनी मदतीसाठी धाव घेत जखमींना बाहेर काढले. अपघातामध्ये जखमी झालेल्या काही प्रवाशांची परिस्थिती गंभीर असून त्यांना तात्काळ शासकीय रुग्णालयामध्ये उपचारासाठी दाखल करण्यात आले आहे. या अपघातानंतर अपघातग्रस्त वाहने रस्त्यातच उभे असल्यामुळे वाहतुकीचा देखील मोठा खोळंबा झाल्याचे बघावयास मिळाले. पोलीस प्रशासनाने तात्काळ क्रेनच्या सहाय्याने अपघातग्रस्त वाहने बाजूला सरकावत वाहतूक सुरळीत केली आहे.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com