Vitthal Rukmini Mandir Pandharpur: विठ्ठल भक्तीतून 8 महिन्यांत 30 लाखांची देणगी, पंढरपूर मंदिर समितीकडून राहुरीमधील भाविकाचा सन्मान

पंढरपूरच्या विठ्ठल मंदिर समितीला मिळणाऱ्या देणगीमध्ये दिवसेंदिवस वाढ होऊ लागली आहे. राहुरी तालुक्यातील भागवत पागिरे या विठ्ठल भक्ताने गेल्या आठ महिन्यांत मंदिर समितीला तब्बल 30 लाख रूपयांची देणगी मिळवून दिली आहे. पागिरेंच्या कार्याचे सर्वत्र काैतुक हाेऊ लागले आहे.

84 वर्षांचे भागवत पागिरे हे निस्मीम विठ्ठल भक्त आहेत. शेतकरी कुटुंब असलेल्या पागिरे यांनी गेल्या आठ महिन्यांत विठुरायाच्या चरणावर तब्बल 30 लाखांची देणगी अर्पण केली आहे.

भागवत पागिरे यांनी स्वतः तीन लाख रूपयांची देणगी देवून सुरुवात केलीच शिवाय त्यांनी आपल्या जवळच्या मित्र आणि नातेवाईकांना देणगी देण्यास प्रोत्साहीत केले आहे. त्यानंतर गेल्या आठ महिन्यांत देणगीचा ओघ वाढला आहे. आज भागवत पागिरे यांनी आणखी एका भाविकाला तीन लाख रूपयांची देणगी देण्यास प्रोत्साहित केले.

भागवत पागिरे यांच्या माध्यमातून गेल्या आठ महिन्यांत मंदिर समितीला तब्बल 30 लाख रूपयांची देणगी मिळाली आहे. विठ्ठल मंदिर समितीला देणगी मिळवून देण्यासाठी पागिरे यांनी आपल्या जवळच्या लोकांना प्रोत्साहित केले.

Edited By : Siddharth Latkar