जैन मुनीच पेटवतायेत मराठी-मारवाडी वाद? ताराराणींबद्दलच्या वक्तव्याचे राज्यातही पडसाद

ज्ञानेश्वरीचा संदर्भ देत मराठीबद्दल वादग्रस्त वक्तव्य केल्याच्या मुद्द्यावरुन जैन मुनीच आमने-सामने आलेत. जैन मुनी नयन पद्मसागर यांनी मराठीबद्दल कोणतं वक्तव्य केलं होतं ? आणि त्यावरुन कसा वाद पेटलाय...? पाहूयात यावरचा हा स्पेशल रिपोर्ट...

आधी मुंबई, त्यानंतर महाराणी ताराबाई आणि आता जैन मुनी नयन पद्मसागर यांनी थेट मराठी अस्मितेलाच हात घातलाय..... संत ज्ञानेश्वरांचं नाव घेत मराठीची रचना ही जैन आचार्यांनी केल्याचं वादग्रस्त वक्तव्य करत जैन मुनी नयन पद्मसागर यांनी मराठीवरच दावा सांगितलाय.. मात्र आता याच वक्तव्यावरुन जैन मुनींमध्ये फूट पडलीय.. नयन पद्मसागर हा मराठी आणि मारवाडी वाद निर्माण करत असल्याचा आरोपच जैन मुनी निलेशचंद्र यांनी केलाय..

दुसरीकडे अभ्यासकांनी जैन मुनी नयन पद्मसागर यांचा दावा फेटाळून लावलाय...

या जैन मुनीने फक्त मराठीवरच दावा सांगितला नाही तर स्वराज्यरक्षिका महाराणी ताराबाई या जैन असल्याचं सांगत जैन मुनी नयन पद्मसागर यांनी थेट इतिहासाची मोडतोड करण्याचा प्रयत्न केलाय... त्याचा संजय राऊतांनी चांगलाच समाचार घेतलाय..

खरं तर माजी राज्यपाल भगतसिंह कोश्यारींनी मुंबईतून मारवाडी आणि जैनांचा पैसा काढला तर मुंबई देशाची आर्थिक राजधानीच राहणार नाही, असं म्हणत महाराष्ट्रातील नागरिकांच्या जखमेवर मीठ चोळलं...एवढंच नाही तर अनेकदा मांसाहाराचं कारण देत जैन समाजाकडून मराठी भुमिपुत्रांनाच घरं नाकारल्याचं दिसून आलंय.. त्यामुळे आधी मुंबईवर दावा, त्यानंतर खाण्यापिण्यावरुन भेदभाव आणि आता चक्कं मराठी इतिहासाची मोडतोड करत सातत्यानं मराठी माणसांना डिवचण्याचा डाव या मुनींनी आखलाय का असा प्रश्न निर्माण झालाय .

ब्युरो रिपोर्ट, साम टीव्ही न्यूज.