Eknath Shinde
Eknath Shinde saam tv

Video | 'आम्हाला ज्यांनी वेगवेगळी नावे दिली, त्यांना...'; मुख्यमंत्र्यांनी विरोधकांवर साधला निशाणा

शिवसेनेच्या वरिष्ठ नेत्यांकडून मुख्यमंत्री एकनाथ शिंदे यांना गद्दार म्हणत त्यांच्यावर टीकास्त्र सोडलं जात आहे. त्यानंतर मुख्यमंत्र्यांनी या विरोधकांचा खरपूस समाचार हिंगोलीतील सभेत घेतला आहे.

हिंगोली : जेष्ठ नेते एकनाथ शिंदे (Eknath Shinde) हे बंडखोरी करत मुख्यमंत्रिपदावर विराजमान झाल्याने त्यांच्यावर विरोधकांकडून जोरदार टीका केली जात आहे. शिवसेनेच्या वरिष्ठ नेत्यांकडून मुख्यमंत्री एकनाथ शिंदे यांना गद्दार म्हणत त्यांच्यावर टीकास्त्र सोडलं जात आहे. त्यानंतर मुख्यमंत्र्यांनी या विरोधकांचा खरपूस समाचार हिंगोलीतील सभेत घेतला आहे.

'आम्हाला ज्यांनी वेगवेगळी नावे दिली, त्यांना कामामधून उत्तर देणार आहे. जिथे आम्ही जातो, तिथे मोठी गर्दी असते. हेच विरोधकांना उत्तर आहे, अशा शब्दात मुख्यमंत्र्यांनी विरोधकांवर हल्लाबोल केला आहे. (Eknath Shinde News )

Eknath Shinde
झेंड्याचं कंत्राट गुजरातकडेच कसं ? राष्ट्रवादीचे आमदार अमोल मिटकरी यांचा पंतप्रधान मोदींवर निशाणा

मुख्यमंत्री एकनाथ शिंदे हे मुख्यमंत्रिपदावर विराजमान झाल्यानंतर त्यांनी राज्याचा दौरा सुरू केला आहे. आज मुख्यमंत्री हिंगोली जिल्ह्याच्या दौऱ्यावर आहेत. या दौऱ्यावर असताना एका आयोजित सभेत त्यांनी कार्यकर्त्यांशी संवाद साधला. या सभेत मुख्यमंत्र्यांनी विरोधकांवर जोरदार हल्लाबोल केला आहे.

मुख्यमंत्री एकनाथ शिंदे सभेत पुढे म्हणाले, 'राज्यात मी बाळासाहेब ठाकरे यांच्या शिवसैनिकाला वाचविण्याचे प्रयत्न करत आहे. त्यात आमदार संतोष बांगर हे एकनाथ शिंदेंचे चेले आहेत. बांगर हे सर्व आमदारांना माझ्याकडे पाठवायचे. देशाच्या पंतप्रधान नरेंद्र मोदी यांनी मला सांगितले की, 'महाराष्ट्राला पुढे न्या, आमचे केंद्र सरकार तुमच्या पाठिशी आहे'. राज्यातील हजारो कोटी रुपयांचे प्रस्ताव केंद्राला पाठविले आहेत, ते सर्व मंजूर होतील'.

Eknath Shinde
Dombivali: हिंदुत्वाच्या मुद्द्यावर पाठिंबा दिला, पण 'हे' खपवून घेणार नाही; मनसे आमदार राजू पाटलांचा सरकारला इशारा

हिंगोली जिल्ह्यातील शेतकऱ्यांच्या नुकसानीवर भाष्य करताना मुख्यमंत्री शिंदे म्हणाले, ' हिंगोली जिल्ह्यात येत असताना शेतीचे भरपूर नुकसान झालं आहे. ते मी पाहिलेलं आहे. आज पर्यंत या शेतकऱ्यांना मदत मिळाली आहे, त्या पेक्षा जास्त मदत देण्याचा सरकारचा प्रयत्न असणार आहे'. निधींना मिळालेल्या मंजुरीवर मुख्यमंत्री म्हणाले, 'कळमनुरी तालुक्यातील आदिवासी भवन आणि लमाण देव याचा विकास करण्यासाठी प्रत्येकी पाच कोटी रुपयांचा मंजूर झाला आहे. तर औंढा नागनाथ देवस्थान विकासासाठी भरीव निधी दिली जाईल'.

Edited By - Vishal Gangurde

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com