Ratnagiri : चिपळूणमध्ये भयंकर अपघात, पावसात थारने रिक्षाला उडवले, ५ जणांचा जागीच मृत्यू

Chiplun Accident News : धो धो कोसळणाऱ्या पावसामध्ये रत्नागिरीमधील चिपळूण जवळ भयंकर अपघात झाला आहे. भरधाव असणाऱ्या थार कारने रिक्षाला चोरात उडवले. यामध्ये पाच जणांचा मृत्यू झाला आहे. सोमवारी चिपळूण कराड मार्गावर पिंपळीमध्ये रात्री हा भीषण अपघात जाला आहे. मृतांमध्ये अडीच वर्षीय चिमुरड्याचाही समावेश आहे. अपघातानंतर महामार्गावर वाहतूक कोंडी झाली होती, पोलिसांनी घटनस्थळी धाव घेत मदतकार्य केले. जखमींना उपचारासाठी रूग्णालयात दाखल केले.

चिपळूणजवळील पिंपळी येथे भरधाव थार जीप आणि प्रवासी रिक्षाचा भीषण अपघात झाला. या अपघातात पाच जणांचा जागीच मृत्यू झाला. मृतांमध्ये पिंपळी नुराणी मोहल्ला येथील चौघांचा समावेश असून थार चालकाचाही त्यात मृत्यू झाला आहे. रात्रीच्या सुमारास हा अपघात झाला. थार गाडी वेगाने जात असताना समोरून येणाऱ्या रिक्षाला जोरदार धडक बसली. धडक इतकी भीषण होती की रिक्षाचा चक्काचूर झाला. रिक्षातील चौघे प्रवासी जागीच ठार झाले, तर थारचा चालकही मृत्यूमुखी पडला.

मिळालेल्या माहितीनुसार, थार गाडीचा चालक हा मूळचा हरियाणामधील आहे. तो मुलाला घेऊन सुसाट निघाला होता. थार गाडीने समोरून आलेल्या प्रवासी रिक्षाला जोरात धडक दिली, त्यानंतर ट्रकवर जाऊन आदळला. या अपघातात रिक्षा आणि थार गाडीचा चक्काचूर झाला. थारमधील मुलगी मला वाचवा, मला वाचवा असे ओरडत असल्याचे प्रत्यक्षदर्शींनी सांगितले. सुदैवाने या दुर्घटनेत ती मुलगी सुखरुप बचावली.

भयंकर अपघातामध्ये रिक्षामधील शबाना मियां सय्यद, हैदर नियाज सय्यद, नियाज हुसेन सय्यद, रिक्षा चालक इब्राहिम इस्माईल लोणी या चौघांचा जागीच मृत्यू झाला. तर थारचा चालकाचाही जागीच मृत्यू झाला. या अपघातामध्ये रिक्षातील आई-वडील व मुलगा या तिघांचाही मृत्यू झाला आहे. थार चालकाचे नाव अद्याप समजू शकले नाहीत, पोलिसांकडून त्याची ओळख पटवण्याचे काम सुरू आहे. चिपळूण पोलीस या अपघाताचा तपास करत आहेत.