"दीदी, मला मदतीची गरज" दहावीच्या मुलीचा पुणे पोलिसांना फोन, पुढे काय झालं तुम्हीच पाहा

Pune News : दहावीच्या विद्यार्थिनीने घर सोडण्याचा निर्णय घेतला होता. शिवाजीनगर पोलीस ठाण्यातील दामिनी मार्शल हिंगे यांनी तत्परतेने मदत केली. विद्यार्थिनीच्या आई-वडिलांनी घटस्फोटाची याचिका मागे घेतली. विद्यार्थिनीचा मानसिक तणाव दूर झाला आणि ती आनंदी झाली.
"दीदी, मला मदतीची गरज" दहावीच्या मुलीचा पुणे पोलिसांना फोन, पुढे काय झालं तुम्हीच पाहा
Published On
Summary
  • दहावीच्या विद्यार्थिनीने शिवाजीनगर पोलिसांना फोन करून मदतीची विनंती केली.

  • दामिनी मार्शल हिंगेंनी तत्काळ धाव घेत विद्यार्थिनीला धीर दिला.

  • मुलीच्या पालकांमध्ये घटस्फोटाचा खटला सुरू असल्याने ती मानसिक तणावाखाली होती.

  • पोलिसांच्या हस्तक्षेपामुळे पालकांनी भांडण बाजूला ठेवत घटस्फोटाची याचिका मागे घेतली.

  • विद्यार्थिनी आणि कुटुंबाने पोलिसांचे आभार मानले.

दहावीत शिकणाऱ्या मुलीचा शिवाजीनगर पोलिसात फोन आला अन् एकच धावपळ उडाली. मुलीने मोठ्या हिंमतीने पोलिसाना फोन करून मदतीची गरज असल्याचे सांगितले. त्यानंतर दामिनी मार्शलकडून मुलीसोबत संपर्क साधत तिचे मन परिवर्तन केले. "दीदी, मला तुमच्या मदतीची गरज आहे" असे म्हणत दहावीच्या मुलीने कळकळची विनंती केली. त्यावर पुणे पोलिसांकडूनही तात्काळ मदत करण्यात आली.

पुणे शहरातील शिवाजीनगर पोलिस ठाण्यातील दामिनी मार्शल यांनी दहावीच्या मुलीला मदत केली. घर सोडून जाण्याच्या तयारीत असलेल्या विद्यार्थिनीचे मनःपरिवर्तन केले. शाळेतील विद्यार्थिनीचे घर सोडून जाण्याचे निर्णयाबाबत मनःपरिवर्तन करून कुटुंबाला मदत केली. शिवाजीनगर पोलीस ठाण्यात नियुक्त असलेल्या दामिनी मार्शल पोलिस शिपाई हिंगे यांनी मुलीची समजूत घातली.

"दीदी, मला मदतीची गरज" दहावीच्या मुलीचा पुणे पोलिसांना फोन, पुढे काय झालं तुम्हीच पाहा
Mumbai ganeshotsav: देशातील सर्वात श्रीमंत बाप्पा, 474 कोटींचा गणपती

पोलिसांनी दिलेल्या माहितीनुसार, आज सकाळी १० ते १०.१५ च्या दरम्यान हिंगे यांच्या मोबाईलवर एका अनोळखी नंबरवरून फोन आला. फोन करणारी एक मुलगी म्हणाली, "दिदी, मला तुमच्या मदतीची गरज आहे. मी घर सोडून चालले आहे. मला खूप टेन्शन आहे." चौकशीदरम्यान दामिनी मार्शल यांना समजले की ही मुलगी शालेय विद्यार्थिनी असून इयत्ता दहावीत आहे.

"दीदी, मला मदतीची गरज" दहावीच्या मुलीचा पुणे पोलिसांना फोन, पुढे काय झालं तुम्हीच पाहा
Ahilyanagar Fire : अहिल्यानगरमध्ये मध्यरात्री भीषण आग, एकाच कुटुंबातील ५ जणांचा मृत्यू

दरम्यान, या विद्यार्थिनीचे आई-वडील एकत्र राहत नसल्याने आणि त्यांच्यात घटस्फोटाचा खटला सुरू असल्याने घरगुती वादामुळे ती मानसिक तणावाखाली होती. हिंगे यांनी तात्काळ या विद्यार्थिनीची भेट घेण्यासाठी धाव घेतली. भेटीनंतर तिला धीर दिला आणि नंतर तिच्या शाळेत जाऊन प्राचार्यांची भेट घेतली. त्यानंतर मुलीच्या आई-वडिलांना शाळेत बोलावून त्यांच्यासोबत सुद्धा चर्चा केली. चर्चेनंतर मुलीच्या पालकांनी आपले भांडण बाजूला ठेवून घटस्फोटाची याचिका मागे घेण्याचा निर्णय घेतला. या निर्णयामुळे विद्यार्थिनी अत्यंत आनंदी झाली असून तिने, तिच्या पालकांनी तसेच शाळेच्या प्राचार्यांनी दामिनी मार्शल व पुणे शहर पोलीस प्रशासनाचे आभार मानले आहेत.

"दीदी, मला मदतीची गरज" दहावीच्या मुलीचा पुणे पोलिसांना फोन, पुढे काय झालं तुम्हीच पाहा
साताऱ्यात दहीहंडीचा जल्लोष! Udayanraje Bhosale यांनी उडवली हटके स्टाईल कॉलर, पाहा व्हिडीओ

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com