Sameer Bhujbal : छगन भुजबळ यांचे पुतणे समीर भुजबळ यांची वेगळी चूल; महायुतीच्या उमेदवाराविरोधात अपक्ष लढणार

नाशिक : नाशिक जिल्ह्यातील नांदगाव विधानसभा मतदारसंघात राजकीय रणधुमाळी पाहायला मिळत आहे. नांदगावमध्ये महायुतीकडून सुहास कांदे यांना उमेदवारी जाहीर झाली आहे. या मतदारसंघासाठी उमेदवारीसाठी समीर भुजबळ इच्छुक होते. मात्र, सुहास कांदेंना उमेदवारी जाहीर झाल्याने समीर भुजबळ हे वेगळी चूल मांडणार आहेत. समीर भुजबळ हे नांदगाव विधानसभा मतदारसंघात अपक्ष लढणार असल्याचं निश्चित झालं आहे.

सूत्रांनी दिलेल्या माहितीनुसार, समीर भुजबळ यांनी नांदगाव विधानसभा मतदारसंघातून अपक्ष अर्ज दाखल केला. यामुळे समीर भुजबळ नांदगावमधून अपक्ष लढणार असल्याचं निश्चित झालंय. या मतदारसंघातून ठाकरे गटाने गणेश धात्रक यांना उमेदवारी जाहीर केली आहे. ठाकरे गटाच्या उमेदवारीनंत समीर भुजबळ यांनी अपक्ष निवडणूक लढण्याचे निश्चित केले. समीर भुजबळ यांच्या उमेदवारीने महायुतीला मोठा फटका बसणार आहे. समीर भुजबळ यांच्या उमेदवारीने महायुतीत वादाची ठिणगी पडली आहे.