VIDEO : नांदगावात समीर भुजबळ vs सुहास कांदे ? भुजबळांच्या उमेदवारीची मोठी अपडेट

छगन भुजबळ यांचा पुतण्या समीर भुजबळ यांना ठाकरे गटात घेऊन नांदगावमध्ये उमेदवारी द्या असा प्रस्ताव शरद पवार गटाचा उद्धव ठाकरेंकडे मांडला आहे.

समीर भुजबळ हे नांदगाव मतदारसंघातून निवडणूक लढवण्यास आग्रही आहेत. मात्र महायुतीकडून ही जागा सुहास कांदे यांना देण्यात आली आहे. त्यामुळे आता समीर भुजबळ हे मविआमध्ये प्रवेश करणार असल्याच्या चर्चा रंगल्या आहेत. तर दुसरीकडे नाशिकमधील नांदगाव विधानसभा ठाकरे गटाला मिळणार असल्याने समीर भुजबळ यांना आपल्याकडे घेऊन मशालीवर उमेदवारी द्यावी असा प्रस्ताव आता शरद पवार गटाने उद्धव ठाकरे यांच्या पुढे मांडल्याची माहिती सूत्रांकडून देण्यात आली आहे. समीर भुजबळ हे तुतारी हाती घेतील अशी चर्चा केली जात होती. मात्र नांदगावची जागा ठाकरे गटाला मिळत असल्याने समीर भुजबळ यांना ठाकरे गटाने घ्यावे अशी आग्रही मागणी पवार गटाकडून करण्यात आली आहे. ठाकरे गटाकडून नांदगाव विधानसभेसाठी गणेश धात्रक सध्या इच्छुक आहेत. आता यावर ठाकरे गटाकडून यावर काय भूमिका घेण्यात येते हे पाहाणं महत्वाचं ठरणार आहे.

Edited By Rakhi Rajput