MP Balu Dhanorkar Health Update : प्रकृतीची माहिती कळताच खासदार बाळू धानोरकरांची मुलेही दिल्लीस रवाना

MP Balu Dhanorkar News : दिल्ली येथी उपचारार्थ दाखल असलेले खासदार बाळू धानोरकर (mp balu dhanorkar health update) यांची प्रकृती चिंताजनक बनली आहे. त्यांना व्हेंटिलेटरवर ठेवण्यात आले आहे. दरम्यान धानाेरकर हे उपचाराला प्रतिसाद देताहेत. त्यांच्यावर उपचार सुरु असून कार्यकर्त्यांसह जनतेने काळजी करु नये असे आवाहन त्यांच्या कार्यालयातून करण्यात आले आहे. (Maharashtra News)

काॅंग्रेसचे खासदार बाळू उर्फ सुरेश धानोरकर यांची शनिवारी प्रकृती बिघडली. त्यांना शनिवारी (ता. २७) नागपुरातील एका रुग्णालयात उपचारार्थ दाखल करण्यात आले हाेते. त्यानंतर पुढील उपचारासाठी त्यांना दिल्लीला नेण्यात आले.

दिल्ली येथील वेदांता रुग्णालयात खासदार धानोरकर यांच्यावर उपचार सुरु आहेत. ते उपचाराला चांगला प्रतिसाद देताहेत परंतु त्यांना व्हेंटिलेटरवर ठेवण्यात आले आहे. त्यांच्यासमवेत त्यांच्या पत्नी आमदार प्रतिभा या आहेत. आज (साेमवार) त्यांची मुले दिल्लीला रवाना झालीत.

Edited By : Siddharth Latkar