Buldhana News: पेट्रोल पंपावर पैशांवरून फ्री स्टाईल; ऑनलाईन पैसे पाठविण्यासाठी पंप कर्मचाऱ्याला मागितला वायफाय कोड

संजय जाधव 
बुलढाणा : पेट्रोल पंपावर पेट्रोल भरताना आता अनेकजण ऑनलाईन पेमेंट करत असतात. या साठी बहुतांश (Petrol) पेट्रोल पंप धारकांनी क्यूआर कोड व वायफाय सिस्टीम उपलब्ध करून दिली आहे. मात्र या ऑनलाईन पेमेंटसाठी वायफाय पासवर्ड मागून पेमेंट करण्याच्या कारणावरून वाद झाला. यातून फ्रीस्टाईल झाल्याचा प्रकार (Buldhana) बुलढाण्यातील खामगाव येथे घडला आहे. (Latest Marathi News)

बुलढाणा जिल्ह्यातील खामगाव शहरात असलेल्या पेट्रोल पंपावरील (Petrol Pump) कर्मचारी आणि ग्राहकांमध्ये चांगलीच फ्री स्टाईल झाली आहे. पेट्रोल भरल्यानंतर पेट्रोलचे पैसे देण्यासाठी फोन पे वर पैसे पाठवतो. असे सांगून वायफाय कोड मागणाऱ्या ग्राहकासोबत अग्रवाल पेट्रोल पंपावरील पेट्रोल भरणाऱ्या युवकाने वाद घातला. हा वाद विकोपाला गेला. नंतर दोघांमध्ये चांगलीच फ्रीस्टाइल झाली. 

सीसीटीव्हीत घटना कैद 

पेट्रोल पंपावरील कर्मचार्यांशी वाद घालणाऱ्या ग्राहकाला इतर कर्मचाऱ्यांनी देखील धो धो धूतल्याच पाहायला मिळतंय. या घटनेचा सीसीटीव्ही फुटेज आता समोर आले असून सोशल मीडियावर व्हायरल होत आहे.