Manmad News : गणेशभक्तांचा कुत्र्यांनी घेतला चावा, लहान मुले जखमी; रुग्णालयात दाखल

- अजय सोनवणे

Nashik News : नाशिक जिल्ह्यातील मनमाड येथे आंबेडकर नगर, सिकंदर नगर परिसरात माेकाट कुत्र्यांनी उच्छाद मांडला आहे. गणेशाेत्सव मंडळांच्या मंडपापुढील भाविकांचा कुत्र्यांनी चावा घेतला. (Maharashtra News)

राज्यभरात गणेशोत्सवाची धामधूम सुरु आहे. मनमाड येथे देखील लाडक्या बाप्पाचे दर्शन घेण्यासाठी भाविक घराबाहेर पडू लागले आहेत. बहुतांश ठिकाणी गणेश मंडळांचे देखावे पाहण्यासाठी भाविकांची गर्दी हाेऊ लागली आहे.

मनमाड येथील आंबेडकर नगर, सिकंदर नगर परिसरात कुत्र्यांनी उच्छाद मांडला. गणेशाेत्सव मंडळाच्या मंडपापुढे उभ्या असलेल्या नागरिकांवर हल्ला चढवीत आठ ते नऊ जणांना चावा घेतला. या जखमींमध्ये चार लहान मुलांचा समावेश आहे.

शहरात मोकाट कुत्र्यांचा उपद्रव वाढला आहे. कुत्र्यांच्या झुंडीच्या झुंडी रस्त्यांवरून फिरत असल्याने नागरिकांना रस्त्याने चालणे मुश्किल झाले आहे. पालिका प्रशासनाने मोकाट कुत्र्यांचा बंदोबस्त करण्याची मागणी होत आहे.

Edited By : Siddharth Latkar