Kolhapur: महापालिका प्रशासनास भाजपने दिला अल्टीमेटम, नेमकं काय घडलं कोल्हापुरात?

- रणजीत माजगावकर

कोल्हापूर महापालिकेच्या अनागोंदी कारभाराच्या विरोधात आज (मंगळवार) भाजप आक्रमक झाल्याचे पाहायला मिळाले. माजी नगरसेवकांनी लाक्षणिक उपोषण करत महापालिका प्रशासनास कारभार सुधारण्याबाबत अल्टीमेटम दिला.

कोल्हापूर महानगरपालिकेच्या अनागोंदी कारभाराच्या विरोधात भाजपा आक्रमक झाले आहे. भाजपच्या माजी नगरसेवकांनी कोल्हापूर महानगरपालिकेच्या चौकात महापालिकेच्याच अनागोंदी कारभाराचा पंचनामा करत लाक्षणिक उपोषण केले. गेले साडेतीन वर्ष महापालिकेत प्रशासक राज आहे. तरी देखील शहर प्रगतीपथावर जाण्यापेक्षा बकाल होत चालल्याचा आराेप भाजपच्या माजी नगरसेवकांनी या आंदाेलन प्रसंगी प्रशासनावर केला.

याला सर्वस्वी महापालिका प्रशासन जबाबदार असल्याचे भाजपच्या माजी नगरसेवकांनी म्हटले. यावेळी भाजपच्या माजी नगरसेवकांनी महापालिका प्रशासनाच्या विरोधात जोरदार घोषणाबाजी करत परिसर दणाणून सोडला.

Edited By : Siddharth Latkar