![Parali News](http://media.assettype.com/saamtv%2F2024-06%2Fe3338e8e-88ee-465b-8ff1-10258ab91435%2FSaam_TV___2024_06_09T113314_643.jpg?rect=0%2C0%2C1200%2C675&w=480&auto=format%2Ccompress&fit=max)
बीड : भाजप नेत्या पंकजा मुंडे यांच्याविषयी सोशल मीडियात आक्षेपार्ह पोस्ट केल्याने आज बीडच्या परळी येथे बंदचे आवाहन करण्यात आले आहे. या बंदला आज परळीत प्रतिसाद मिळत असून व्यापाऱ्यांसह दुकानदारांनी बंदमध्ये सहभाग नोंदवत आपली दुकाने बंद ठेवली आहेत.
लोकसभा निवडणुकीच्या निकालानंतर भाजप नेत्या पंकजा मुंडे यांच्याबद्दल सोशल मीडियावर आक्षेपार्ह पोस्ट टाकण्यात आली होती. याचा तीव्र निषेध केला जात आहे. याचा निषेध म्हणून सकल ओबीसी समाज तथा मुंडे समर्थकांकडून हा बंद पुकारण्यात आला असून याबाबतचे निवेदन काल परळी शहर पोलीस ठाण्यात देण्यात आले होते. आजच्या पुकारण्यात आलेल्या बंदला परळी (Parali) शहरातील व्यापाऱ्यांसह दुकानदारांकडून मोठा प्रतिसाद दिल्याचं पाहायला मिळाले आहे.
आज परळी शहरातून ओबीसी समाज तथा मुंडे समर्थकांकडून शहरातून रॅली काढण्यात आली. दरम्यान काल बीडमधील शिरूर कासार येथे ही याच कारणास्तव बंद पुकारण्यात आला होता. तर आज परळी शहर बंद असून उद्या वडवणी शहर बंदची देखील हाक ओबीसी समाजाकडून देण्यात आल्याचं सांगण्यात येत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.