Arrest Sambhaji Bhide: संभाजी भिडेंच्या अटकेसाठी 'वंचित' आक्रमक, मणिपूर घटनेचा नाेंदविला निषेध

Beed News : महापुरुषांचा सातत्याने विविध वक्तव्याने अपमान करणा-या शिवप्रतिष्ठान हिंदुस्थानचे प्रमुख संभाजी भिडे (sambhaji bhide) यांना अटक करा या मागणीसाठी आज (गुरुवार) बीड जिल्ह्यातील माजलगाव येथे वंचित बहुजन आघाडीने (vanchit bahujan aghadi) आंदाेलन छेडले.यावेळी आंदाेलकांनी मणिपुर घटनेतील संशयित आरोपींना फाशीची शिक्षा द्या अशी मागणीही केली. (Sambhaji Bhide Latest Marathi News)

माजलगाव (beed) शहरातील तहसील कार्यालयासमोर आज वंचित बहुजन आघाडीने धरणे आंदोलन करत सरकारचा निषेध केला. राज्यासह देशभरामध्ये महिला आणि मुलींच्या सुरक्षेचा प्रश्न ऐरणीवर आला आहे. त्याचबरोबर महापुरुषांच्या विरोधात संभाजी भिडेंसारखे माणसं गरळ ओकतात. मात्र सरकार अद्याप त्यांना अटक करत नाही.

यामुळे वंचित बहुजन आघाडीने संभाजी भिडेंना अटक करा, यासह मणिपूर घटनेतील संशयित आरोपींना फाशीची शिक्षा द्या ही मागणी घेऊन धरणे आंदोलन केले. दरम्यान सरकारने यावर कारवाई केली नाही तर तीव्र स्वरूपाचे आंदोलन करू असा इशारा देखील यावेळी आंदोलनकर्त्यांनी दिला आहे.

Edited By : Siddharth Latkar