Satara News : सहयाद्री देवराई परिवार यांच्यावतीने ज्येष्ठ साहित्यिक विचारवंत डाॅ. आ.ह. साळुंखे (Dr. A.H. Saunkhe) यांच्या 80 व्या वर्षपूर्ती निमित्त 12 ऑगस्टला डाॅ. साळुंखे यांची बीजतुला करण्यात येणार आहे. या उपक्रमाची माहिती सहयाद्री देवराईचे अध्यक्ष अभिनेते सयाजी शिंदे (Actor Sayaji Shinde) यांनी पत्रकार परिषदेत दिली.(Maharashtra News)
सयाजी शिंदे (sayaji shinde) म्हणाले डाॅ. आ.ह.साळुंखे यांनी मराठी विश्वकाेशात तुलनात्मक धर्मशास्त्र, संस्कृत आदी विषयात 100 हून अधिक लेख लिहिले आहेत. त्यांनी लिहिलेल्या साहित्यातून माेठा सामाजिक क्रांती घडलेली आहे.
सयाजी शिंदे म्हणाले डाॅ. आ. ह. साळुंखे हे मराठीतील लेखक, महाराष्ट्रातील एक विचारवंत, व्याख्याते आणि संस्कृतचे गाढे अभ्यासक आहेत. त्यांच्या व्याख्यानातून व लेखणातून अनेक लाेक वैचारीकदृष्टया समृद्ध झाले आहेत व यापुढेही समृद्ध हाेणार आहेत.
त्यांच्या कार्याचा गाैरव सहयाद्री देवराई 12 ऑगस्टला बीजतुला करुन करणार आहे. या उपक्रमात दिग्दर्शक नागराज मंजुळे, संस्थेचे उपाध्यक्ष अरविंद जगताप यांच्यासह मान्यवर उपस्थित राहणार आहेत.
यावेळी देशी बियाणांच्या माध्यमातून बीजतुला करण्यात येईल. हा उपक्रम पुणे बंगळूर महामार्गावरील (pune bangalore highway) डी-मार्ट नजीकच्या सह्याद्री देवराई (satara) येथे सकाळी 11 ते दाेन या कालावधीत हाेईल. दरम्यान त्यादिवशी पाऊस राहिल्यास कार्यक्रमाच्या ठिकाणांत बदल केला जाईल असे शिंदे यांनी नमूद केले.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
