अंबादास दानवे यांनी नांदेड दौऱ्यात मोठा राजकीय बॉम्ब फोडला.
नाशिकच्या माजी नगरसेवकावर भाजप आमदाराला ठार मारण्यासाठी सुपारी दिल्याचा गंभीर आरोप.
या प्रकरणाची माहिती मुख्यमंत्री आणि गृहमंत्र्यांनाही असल्याचे दानवे यांनी सांगितले.
व्हिडिओ सोशल मीडियावर व्हायरल, राजकीय वर्तुळात खळबळ.
ठाकरे गटाचे नेते तथा विधानपरिषदेचे माजी विरोधीपक्षनेते अंबादास दानवे यांनी नांदेड दौऱ्यावर असताना मोठा राजकीय बॉम्ब फोडला. यामुळे एकच खळबळ उडाली आहे. उद्धव ठाकरे हे उद्यापासून पुन्हा एकदा मराठवाडा दौरा करणार आहेत. राज्यात झालेल्या अतिवृष्टीमुळे शेतीचे मोठे नुकसान झाले होते.
या नुकसानीची पाहणी उद्धव ठाकरे यांनी केली होती. त्यांनंतर सरकारने शेतकऱ्यांसाठी कोट्यांवधीचे पॅकेज जाहीर केले. मात्र हे कितपत शेतकऱ्यांच्या खात्यावर पोहोचले या सगळ्याची माहिती घेण्यासाठी ठाकरे हे उद्यापासून शेताच्या बांदावर जाऊन विचारपूस करणार आहे.
यावरच मंत्री गिरीश महाजन यांनी टीकास्त्र सोडले होते. ठाकरे जेव्हा मुख्यमंत्री होते त्यावेळी त्यांनी घराची पायरी देखील ओलांडली नाही. पंढरपूरला स्वतःच गाडी चालवत गेले आणि पर्यटन करून आले अशी टीका महाजन यांनी केल्यानंतर अंबादास दानवे यांनी जोरदार प्रहार करत एकच खळबळ माजवली.
दानवे नेमके काय म्हणाले?
गिरीश महाजन यांचा नाशिकमधील समर्थक असलेल्या एका माजी नगरसेवकाने भारतीय जनता पक्षाच्या एका आमदाराला मारण्याची सुपारी दिली. या प्रकरणाची माहिती राज्याचे गृहमंत्री आणि मुख्यमंत्री यांना असल्याचेही संबंधित दानवे यांनी स्पष्ट केले आहे. त्यांनी सांगितले की, गिरीश महाजन यांच्या समर्थन करणाऱ्या नाशिकच्या एका माजी नगरसेवकाने भाजप आमदाराला ठार मारण्याची सुपारी दिली आहे.
दोघांची नावे मला माहित आहेत, पण सध्या ती उघड करत नाही. याचा तपास सरकारने करावा. अशी खळबळजनक माहिती दानवे यांनी दिली. दानवे यांचा व्हिडिओ नाशिकच्या अनेक सोशल मीडियावर व्हायरल होत असून त्यावर विविध प्रतिक्रिया उमटत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.