Ladki Bahin Yojana: लाडक्या बहि‍णींच्या खात्यात ₹१५०० जमा होण्यास सुरुवात, तुम्हाला आले की नाही? अशा पद्धतीने करा चेक

लाडकी बहीण योजनेच्या लाभार्थ्यांसाठी महत्त्वाची बातमी आहे. लाडकी बहीण योजनेच्या लाभार्थ्यांना आजपासून ऑक्टोबरचे पैसे जमा होण्यास सुरुवात झाली आहे. लाडकी बहीण योजनेअंतर्गत दर महिन्याला १५०० रुपये दिले जातात. दरम्यान, ऑक्टोबरचा हप्ता जमा होण्यास उशीर झाला आहे. नोव्हेंबरच्या पहिल्या आठवड्यात पैसे जमा करण्यात आले आहेत.दरम्यान, लाडकी बहीण योजनेत तुम्हाला पैसे आले की नाही हे तुम्ही ऑनलाइन पद्धतीने चेक करु शकतात.

लाडक्या बहि‍णींना पैसे आले की नाही? (Ladki Bahin Yojana Installment Recieve or Not)

लाडकी बहीण योजनेत महिलांना पैसे आले आहेत की नाही हे तुम्ही ऑनलाइन पद्धतीने चेक करु शकतात. तुम्हाला ऑनलाइन बँक अॅपवर जाऊन पैसे आलेत की नाही हे चेक करायचे आहे. यासाठी बँकेच्या अधिकृत अॅपवर जाऊन तुम्हाला ट्रान्झॅक्शन हिस्ट्रीमध्ये पैसे जमा झाले की नाही हे कळणार आहे.

याचसोबत तुम्ही ऑफलाइन पद्धतीने बँकेत जाऊनदेखील पैसे जमा झाले की नाही हे चेक करु शकतात. तुम्हाला ऑफलाइन पद्धतीने बँकेत जायचे आहे आणि पासबुकवर एन्ट्री करुन घ्यायची आहे. त्यावर तुम्हाला पैसे आले की नाही हे कळणार आहे. याचसोबत तुमच्या अकाउंटमध्ये पैसे जमा झाल्यावर बँक आणि लिंक असलेल्या फोन नंबरवर मेसेज येणार आहे.

आदिती तटकरेंनी केली घोषणा (Aditi Tatkare Annoucement)

महिला व बालविकास मंत्री आदिती तटकरेंनी याबाबत घोषणा केली आहे. त्यांनी काल पोस्ट करत माहिती दिली आहे. लाडकी बहीण योजनेच्या लाभार्थी महिलांना येत्या २ ते ३ दिवसांत पैसे जमा केले जाणार आहेत. त्यामुळे सर्व लाभार्थी महिलांना लवकरच पैसे दिले जाणार आहेत.