राज्याला हादरवणारी घटना आज बारामतीमध्ये घडली. राज्याचे उपमुख्यमंत्री अजित पवार यांच्या विमानाला अपघात झाला. या अपघातामध्ये अजित पवार यांच्यासह ६ जणांचा मृत्यू झाला. अजित पवार यांच्या निधनानंतर राज्याला मोठा धक्का बसला. या घटनेची माहिती कळताच पवार कुटुंबीयांसह अनेक राजकीय नेते बारामतीला रवाना झाले आहे. अजित पवार यांच्या निधनानंतर राज्यात ३ दिवसांचा राजकीय दुखवटा जाहीर करण्यात आला आहे. हा अपघात नेमका कसा झाला याचा थरार प्रत्यक्षदर्शी महिलेने सांगितला आहे.
विमान अपघात पाहिलेल्या एका महिलेने सांगितले की, 'विमान आले. ते आमच्या घराच्या वरून गेले तेव्हा ते चांगले होते. आवाज ऐकून आम्ही बाहेर आलो. आम्ही गुरांना खायला घातलं आणि घराच्या दिशेने आलो. विमान आल्यानंतर त्याला विमानतळावरती जायचे होते पण ते खाली गेले. ८. ४५ च्या सुमारास मोठा स्फोट झाला. आमच्या घरापर्यंत त्यांचा आवाज आला. विमान फिरलं आणि खालीच क्रॅश झालं. ते वरती धावपट्टीवर गेलेच नाही. जागेवरच विमानाचा स्फोट झाला. आम्ही प्रचंड घाबरलो.'
या महिलेने पुढे असेही सांगितले की, 'त्यानंतर घटनास्थळावर लोकांची मोठी गर्दी झाली. पोलिस देखील आले. आम्ही देखील तिथे गेलो. आम्ही घरातून बादलीने पाणी आणले आणि आग विझवण्याचा प्रयत्न केला. एकाचा मृतदेह त्याठिकाणी पडला होता. मृतदेहाचे तुकडे झाले होते. शीर आणि धड वेगळे होते. त्यानंतर आम्हाला कापड मागवण्यात आले. तर आम्ही ब्लँकेट आणून दिले. त्यामध्ये मृतदेह गुंडाळून रुग्णालयात पाठवण्यात आला.'
१) अजित पवार, उपमुख्यमंत्री
२) विदीप जाधव, स्वीय सहाय्यक
३) पिंकी माळी, फ्लाइट अटेंडंट
४) कॅप्टन सुमित कपूर
५) कॅप्टन शांभवी पाठक
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.