Ajit Pawar plane crash : अजित पवारांच्या विमानाचा अपघात, दुर्घटनेचा पहिला व्हिडिओ अन् फोटो समोर

Deputy Chief Minister injured in aircraft crash Maharashtra : राज्याचे उपमुख्यमंत्री अजित पवार यांच्या विमानाचा लँडिंगवेळी अपघात झाला आहे. जिल्हा परिषद प्रचारासाठी अजित पवार आज बारामतीमध्ये आले. पण त्याआधीच लँडिंगवेळी विमान कोसळले अन् मोठी दुर्घटना घडली. विमानात अजित पवार, सुरक्षा रक्षक आणि पायलट होते. या अपघातामध्ये अजित पवार यांना गंभीर दुखापत झाल्याची माहिती सूत्रांनी दिली आहे. अजित पवार आणि जखमी झालेल्यांना बारामतीमधील जवळच्या रूग्णालयात दाखल करण्यात आले आहेत.

लँडिंगदरम्यान विमान अपघाताची दुर्देवी घटना घडली. हा अपघात इतका भयंकर होता की विमानाचे दोन तुकडे झाले. लँडिंगवेळी दुर्घटना झाली अन् विमानाचे तुकडे झाले. धुराचे लोट घटानस्थळावर दिसत होते. अजित पवार यांना गंभीर दुर्घटना झाल्याचे समजतेय. दुर्घटनेचे भयंकर फोटो समोर आले आहेत.

अजित पवार यांच्या विमानाचा अपघात झाल्याची माहिती मिळताच सुप्रिया सुळे, पार्थ पवार आणि सुनेत्रा पवार यांनी बारामतीकडे प्रस्थान केले आहेत. अजित पवार यांच्या प्रकृतीबाबत अद्याप कोणतीही माहिती समोर आलेली नाही. सुनेत्रा पवार आणि सुप्रिया सुळे या अर्थसंकल्पीय अधिवेशनाला दिल्लीला गेले होते. तात्काळ त्यांनी बारामतीकडे प्रस्थान केले आहे.

अजित पवारांची आज बारामतीत जाहीर सभा नियोजित होती. अपघातानंतर तातडीने मदतकार्य सुरू करण्यात आल्याची माहिती आहे. या घटनेबाबत अद्याप अधिकृत तपशील समोर आलेला नाही. प्रशासन आणि सुरक्षा यंत्रणा परिस्थितीचा आढावा घेत आहेत. अजित पवार मुंबईहून बारामतीला निघाले होते. त्यावेळी ही दुर्घटना झालेली नाही.