Maharashtra Exit Poll :धुळे ग्रामीणमधून भाजपचे राम भदाणे होणार आमदार? पाहा VIDEO

Dhule Elections 2024: येत्या २३ नोव्हेंबर रोजी विधानसभा निवडणुकीचा निकाल जाहीर होणार आहे. या निवडणुकीत कोण बाजी मारणार याकडे सर्वांचेच लक्ष लागले आहे. मतदानानंतर सकाळ माध्यम समूहाने एक्झिट पोल जाहीर केला आहे. या एक्झिट पोलनुसार धुळे ग्रामीणमधून भाजपचे राम भदाणे संभाव्य आमदार असल्याचे दिसून येत आहे. (Dhule Gramin Exit Poll)

धुळे ग्रामीणमध्ये भाजप विरुद्ध काँग्रेस अशी लढत होती. भाजपचे राम भदाणे विरुद्ध काँग्रेसचे कुणाल पाटील विरोधात उभे होते. या मतदारसंघात आता राम भदाणे बाजी मारतील, असं चित्र सध्या दिसत आहे. (Exit Poll)

धुळे ग्रामीणमध्ये भाजपचं पारडं जड होताना दिसत आहे. मागील निवडणूकीपेक्षा या निवडणुकीत मतदान जास्त झाले आहे. यंदा ७० टक्के मतदान झाले आहे. मतदानाचा वाढीव टप्पा हा कोणत्याह उमेदवारासाठी फायद्याचे आणि कोणत्या उमेदवारासाठी तोट्याचे ठरणार आहे हे पाहणे महत्त्वाचे ठरणार आहे.

राम भदाणे आणि कुणाल पाटील यांचे कुटुंबदेखील फार पुर्वीपासून राजकारणात आहेत. त्यामुळे या दोघांमध्येही काँटे की लढत होण्याची शक्यता आहे. या विधानसभा मतदारसंघात लाडकी बहीण योजनेच्या लाभार्थ्यांचा आकडा मॅजिक फिगर म्हणून बघितला जात आहे.त्यामुळे धुळे ग्रामीणमध्ये राम भदाणे निवडून येण्याची शक्यता जास्त आहे.