Nashik Lok Sabha 2024: नाशिक लोकसभेच्या जागेसाठी छगन भुजबळांचं दबावतंत्र? ओबीसींची ताकद दाखवण्यासाठी मोठी खेळी

अभिजीत सोनवणे साम टिव्ही, नाशिक

राज्यात दुसऱ्या टप्प्यातील मतदान पार पडलं आहे. परंतु अजून महायुतीकडून नाशिक लोकसभा मतदारसंघासाठी (Nashik Lok Sabha 2024) उमेदवाराची घोषणा करण्यात आलेली नाही. छगन भुजबळ यांचं आता महायुतीत दबावतंत्र पाहायला मिळत आहे. समता परिषदेच्या माध्यमातून भुजबळांचं ओबीसी दबावतंत्र दिसून येत (Mhayuti Seat Sharing Issue In Nashik) आहे.

नाशिक आणि संभाजी नगरमधून समता परिषदेच्या पदाधिकाऱ्यांनी उमेदवारी अर्ज घेतले आहेत, तर नाशिक आणि संभाजीनगर अन्य काही ठिकाणी उमेदवार देण्याची समता परिषदेची तयारी अशी माहिती सूत्रांकडून मिळत आहे.

राज्यातील ओबीसींची ताकत दाखवण्यासाठी भुजबळांचे समर्थक लोकसभेच्या मैदानात उतरले आहेत. नाशिकमधून दिलीप खैरे तर संभाजीनगरमधून मनोज घोडके यांनी उमेदवारी अर्ज घेतले (Lok Sabha 2024) आहेत. ज्या भुजबळांनी आजवर अनेकांना उमेदवाऱ्या दिल्या, त्या भुजबळ यांना ताटकळत ठेवल्याने आम्ही आता ओबीसी ताकत दाखवणार असल्याचं समर्थक म्हणत आहेत. भुजबळ समर्थकांकडून आता दबावतंत्र वापरलं जात असल्याचं दिसून येत आहे.

नाशिक लोकसभेच्या उमेदवारासाठी आता मंत्री गिरीश महाजन आणि पालकमंत्री दादा भुसे मैदानात उतरल्याची माहिती (Mhayuti Seat Sharing) मिळत आहे. मुख्यमंत्री एकनाथ शिंदे यांची भेट घेत त्यांनी नाशिकच्या जागेवर लवकर उमेदवार विनंती केली आहे. नाशिकच्या जागेसंदर्भात मुंबईत एकनाथ शिंदे यांची गिरीश महाजन आणि पालकमंत्री दादा भुसे यांनी भेट घेतल्याची माहिती (Maharashtra Election) मिळत आहे.

महाविकास आघाडीकडून उमेदवार जाहीर करून एक महिना झाला, तरी अद्याप महायुतीकडून उमेदवार कोण यावर निर्णय झाला (Maharashtra Politics) नाही. त्यामुळे महायुतीतील पदाधिकारी आणि कार्यकर्ते संभ्रमात आहेत. उमेदवारी अर्ज भरण्याची प्रक्रिया सुरू झाल्याने नाशिक लोकसभेसाठी उमेदवार (Mhayuti) लवकर जाहीर करण्याची मागणी केली जात आहे. गिरीश महाजन आणि पालकमंत्री दादा भुसे यांना येत्या दोन दिवसांत उमेदवार जाहीर करण्याचं आश्वासन मुख्यमंत्री एकनाथ शिंदे यांनी दिलं आहे.