Pumpkin Soup Recipe : हिवाळ्यातील अनेक आजारांवर रामबाण ठरेल भोपळ्याचे सूप, रोगप्रतिकारशक्ती ही वाढेल; पाहा रेसिपी

How To Make Pumpkin Soup :

हिवाळ्यात बदल्या ऋतूनुसार आरोग्याच्या अनेक समस्यांना समोरे जावे लागते. सर्दी-खोकला आणि ताप यांसारख्या अनेक समस्या समोर येतात. अशावेळी घशाला आराम मिळण्यासाठी आपण गरम पदार्थांचे सेवन करतो.

जर तुम्ही या वेळी सूप प्यायले तर घशाला आराम मिळेलच पण शरीराला ऊर्जा देखील मिळेल. सर्दी-खोकल्यामुळे अनेकदा भूक कमी लागते. त्यासाठी तुम्ही सूप पिऊ शकता. भोपळ्याचे सूप तुम्ही घरच्या घरी बनवू शकता. तसेच सर्दी-खोकल्यापासून आरामही मिळेल. जाणून घेऊया क्रिमी पम्पकिन सूपची रेसिपी.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

1. साहित्य

• भोपळा- २०० ग्रॅम

• खरबूज बिया- १/४ कप

• फ्रेश क्रिम - अर्धा कप

• लोणी - ३ चमचे

• काळी मिरी - चवीनुसार

• कांदा (Onion) - १

• आले-लसूण (Garlic) पेस्ट - १ चमचा

• मिरची - १

• मीठ चवीनुसार

2. कृती

• भोपळ्याचे सूप बनवताना भोपाळा सोलून धुवून घ्या. आता कुकरमध्ये बटर, वितळवलेले लोणी घाला.

• नंतर त्यात कांदा, आले-लसूण पेस्ट घालून परतून घ्या. कांदा हलका तपकिरी रंगाचा झाल्यावर त्यात भोपळ्याचे तुकडे घाला. थोडे पाणी (Water) घालून २ ते ३ शिट्ट्या होऊ द्या.

• कुकरमधील मिश्रण काढून त्याला ब्लेंड करुन घ्या. पॅन गरम करुन त्यात लोणी घाला.

• त्यात सूप घालून क्रीम घाला. उकळी आल्यानंतर कोथिंबीर घालून सर्व्ह करा. काळीमिरी घालून सर्व्ह करा.