Antibiotics Awareness : गरज नसताना औषध घेतल्याने ओढावेल मृत्यू; डॉक्टरांनी दिलेली माहिती वाचा सविस्तर

सर्दी किंवा खोकला अशा साध्या आजारांसाठी आपण मेडिकलमध्ये मिळणाऱ्या गोळ्या म्हणजेच औषधे घेत असतो. रोजचा कामाचा ताण वाढत असल्याने डोकेदुखी देखील वाढत आहे. त्यामुळे अनेक व्यक्ती थोड्याशा डोकेदुखीवर गोळी घेतात. मात्र सतत गोळ्या घेतल्याने त्याचा आपल्या किडनीवर दुष्परिणाम दिसून येतो. अशात आता गरज नसताना औषधे घेतल्यास मृत्यू ओढावू शकतो अशी माहिती समोर आली आहे.

एएमआर विभागप्रमुख, यूएन, डॉ. सिल्व्हिया बरटॅग्नोलिया यांनी ही माहिती सांगितली आहे. डॉ. सिल्व्हिया बरटॅग्नोलिया यांनी म्हटलं की, कोरोना महामारीच्या काळात गरज नसताना अँटीबायोटिक्स दिल्यामुळे अँटीमायक्रोबियल रेझिस्टन्स म्हणजेच सुपरबग जास्तप्रमाणात वाढला आहे."

त्यामुळेच गरज नसताना औषधे घेणे म्हणजे स्वतः हून अडचणी वाढवण्यासारखे आहे. जगातील आरोग्य संगटनेच्या अहवालातून ही माहिती समोर आली असल्याचं देखील डॉ. सिल्व्हिया बरटॅग्नोलिया यांनी म्हटलं आहे.

अँटीबायोटिक्स कसे काम करते

अँटीबायोटिक्स आपल्या शरीरातील विषाणूंना नाहीसे करते. सर्दी, खोकला, ताप अशा समस्या असल्यास त्या व्यक्तीला अँटीबायोटिक्स दिले जाते. संसर्गजन्य रोगांपासून आपला बचाव व्हावा यासाठी देखील अँटीबायोटिक्स घेतले जाते. मात्र अँटीबायोटिक्स डॉक्टरांच्या सल्ल्याने घेणे गरजेचे आहे. अशात कोरोना हा विषाणू देखील संसर्गजन्य आहे. त्यामुळे त्या काळात अनेक व्यक्तींनी अँटीबायोटिक्स घेतल्या आहेत. WHO ने देखील अँटीबायोटिक्स डॉक्टरांच्या सल्ल्याशिवाय घेतल्यास मृत्यू होऊ शकतो, असा दावा केला आहे.