Natural Antibiotics : स्वयंपाकघरातील हे सुपर फूड ठरतील सर्दी-खोकल्यावर रामबाण, प्रतिकारशक्ती कशी वाढवायची? जाणून घ्या

Natural Antibiotics : अँटिबायोटिक्स हे बॅक्टेरियाच्या संसर्गासातील अनेक औषधांपैकी एक आहे. ज्यावेळी आपली प्रतिकारशक्ती कमकुवत होते आणि विविध रोगांना कारणीभूत ठरणारे हानिकारक जीवाणू नष्ट करू शकत नाहीत अशा परिस्थितीत प्रतिजैविक उपयुक्त ठरतात.

बदलत्या ऋतूमुळे होणाऱ्या आजारांशी लढण्यासाठी अँटिबायोटिक्सवर अवलंबून राहण्यापेक्षा नैसर्गिकरित्या आपली रोगप्रतिकारक शक्ती मजबूत करणे चांगले आहे. असे तज्ज्ञांचे मत आहे.

रोज वापरल्या जाणार्‍या काही गोष्टी आहेत, ज्या नैसर्गिक प्रतिजैविकाप्रमाणे काम करतात. या गोष्टींचा आहारात समावेश करायला हवा. आपल्या स्वयंपाकघरात असे काही पदार्थ आहेत ज्यामुळे आपल्याला संसर्गजन्य आजारावर मात करता येईल. ते कोणते हे जाणून घेऊया.

१. मध

मधात असे बरेच गुणधर्म आहेत ज्यामुळे आपल्या शरीराला अनेक फायदे होतात. शरीरातील जखमा लवकर बऱ्या करण्यासाठी आणि संक्रमणास प्रतिबंध करण्यासाठी त्याचा उपयोग होतो. साखरेला (Sugar) आरोग्यदायी पर्याय म्हणून तुम्ही तुमच्या आहारात मधाचा समावेश करू शकतो.

२. लसूण -

लसणाच्या अँटी-बॅक्टेरियल गुणधर्मांमुळे ते संक्रमणाशी लढण्यासाठी एक प्रभावी औषधी वनस्पती आहे. अ‍ॅलिसिन हे लसणातील सक्रिय संयुग आहे ज्यामध्ये हानिकारक जीवाणूंशी लढण्याची क्षमता असते. ऑलिव्ह ऑईलमध्ये भिजवलेल्या लसणाच्या पाकळ्या आपण थेट खाऊ शकतो. दिवसातून दोन लसणाच्या पाकळ्या खाल्ल्याने फायदा होतो.

३. आले -

आल्यात औषधी आणि दाहक-विरोधी गुणधर्म आहेत जे घरगुती प्रतिजैविक म्हणून फायदेशीर ठरतात. मळमळ आणि सकाळच्या आजारावर उपचार करण्यासाठी आले वापरले जाऊ शकते. हे स्नायू दुखी आणि वेदना कमी करण्यास देखील मदत करू शकते. आपल्या आहारात एक घटक म्हणून आल्याचा समावेश करा.

४. हळदी -

हळदीमध्ये (Turmeric) असलेले कर्क्युमिन हे मसाल्यातील नैसर्गिक प्रतिजैविक आहे. कर्क्यूमिनमध्ये शक्तिशाली अँटिऑक्सिडेंट आणि दाहक-विरोधी गुणधर्म आहेत जे शरीरातील मुक्त रॅडिकल्सच्या नुकसानापासून संरक्षण प्रदान करू शकतात. मेंदूचे कार्य सुधारण्यास आणि संधिवात वेदना आणि सांधेदुखी कमी करण्यास देखील मदत करू शकते. यामुळे आपली प्रतिकारशक्ती सुधारेल आणि आपण आजारी पडण्याचा धोका कमी होईल.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.

Edited By - Komal Damudre