How To Control Hair Fall: सतत गळणाऱ्या केसांमुळे वैतागले आहात ? केसांची वाढही थांबली आहे ? हे तीन होममेड ऑइल ट्राय करा

Hair Care Tips : बदलेली जीवनशैली, खाण्यापिण्याच्या सवयी व प्रदूषणांमुळे आपली केस गळती होते असे अनेकदा सांगितले जाते. परंतु, त्याचे सर्वात मोठे कारण आहे ते केसांची नीटशी काळजी न घेणे.

केसांना (Hair) पुरेशा प्रमाणात पोषकतत्व न मिळाल्यास केसांची वाढ खुटते. अनेक महागड्या उत्पादनांच्या वापरांमुळे,सतत बदलेल्या शॉम्पूमुळे केस गळती सुरु होते. लहानपणी आई केसांना पुरेशा प्रमाणात तेल लावायची त्यामुळे केस अधिक दाट व्हायचे. परंतु, सध्या खाण्यापिण्याच्या सवयी व धूळ-मातीमुळे आपल्या केस गळतीच्या (Falls) समस्या उद्भवतात. आम्ही आज तुम्हाला काही घरगुती हेअर ऑइल सांगणार आहोत ज्याचा वापर करुन आपण केस गळती रोखू शकतो. जाणून घेऊया त्याबद्दल

1. आवळा तेल

• मूठभर वाळलेला आवळा

• 100 मिली नारळ तेल

कसे बनवाल ?

• आवळ्याचे तेल (Oil) तयार करण्यासाठी आवळा घेऊन खोबरेल तेलात मिसळा व काहीवेळा नंतर बारीक वाटून घ्या.

• यानंतर हे तयार तेल हवाबंद काचेच्या बाटलीत साठवा.

• ही बाटली साधारण 15 दिवस उन्हात ठेवा.

• नंतर तेल गाळून नियमितपणे केसांना लावा

2. बदाम तेल

• 1 टेबलस्पून बदाम तेल

• 1 टेबलस्पून जोजोबा तेल

• 1 व्हिटॅमिन ई कॅप्सूल

• 4 थेंब रोझमेरी तेल

कसे बनवाल ?

• बदामाचे तेल तयार करण्यासाठी, सर्व साहित्य एकत्र मिसळा.

• आता हे तयार तेल काचेच्या बाटलीत भरा.

• केस धुण्यापूर्वी एक रात्री केसांना लावा.

3. कढीपत्ता तेल

• 3 चमचे नारळ तेल

• मूठभर कढीपत्ता

कसे बनवाल ?

• कढीपत्त्याचे तेल बनवण्यासाठी प्रथम खोबरेल तेल घ्या.

• आता त्यात मूठभर कढीपत्ता घाला.

• आता हे तेल काळे होईपर्यंत एका भांड्यात गरम करा.

• यानंतर तेल थंड झाल्यानंतर बाटलीत भरा.

• तुमचे घरगुती केसांचे तेल तयार आहे. वापरण्यापूर्वी ते थोडे कोमट करा

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा