Navratri Havan Puja: अष्टमी आणि नवमीला घरी हवन कसे करतात? जाणून घ्या शुभ मुहूर्त अन् सोपी पद्धत

How To Do Navratri Havan At Home : २२ सप्टेंबरपासून नवरात्रोत्सवाला सुरूवात झाली. आज 30 सप्टेंबर अष्टमी दिवस आहे. 1 ऑक्टोबर रोजी नवमी आहे. या दोन्ही दिवशी कन्यापूजन आणि हवन पूजा केले जाते. शारदीय नवरात्रीचे नऊ दिवसाचे व्रत हवन आणि कन्या पूजेशिवाय अपूर्ण मानले जाते. नवरात्रीत हवन करण्याची सोपी पद्धत, मंत्र आणि शुभ वेळ सविस्तरपणे जाणून घ्या.

ब्रह्म मुहूर्तावर सकाळी उठून स्नान करा आणि स्वच्छ वस्त्र परिधान करा. हवनकुंड स्वच्छ करा नंतर हवनकुंड स्वच्छ ठिकाणी हवनासाठी स्थापित करा. पूजा सुरू करण्यापूर्वी भगवान गणेशाचे ध्यान करा.

गंगाजल शिंपडा आणि सर्व देवतांना आवाहन करा. आब्यांच्या लाकडाचा, तूपाचा आणि कापूरचा वापर करून हवनकुंडात अग्नी प्रज्वलित करा. त्यानंतर 'ओम अग्निय नम:स्वाहा' या मंत्राचा जप करून अग्नि देवाचे ध्यान करा. 'ओम गणेशाय नम: स्वाहा' हे मंत्राने पुढील अर्पण करा. त्यानंतर ग्रहांचे आणि कुलदेवतेचे ध्यान करा.

धार्मिक मान्यतेनुसार १०८ वेळा सर्व देवतांच्या नावाने अर्पण करा. देवीच्या नऊ रूपांचे ध्यान करताना अर्पण करा. शेवटी उरलेले हवन साहित्य एका सुपारीच्या पानावर गोळा करा त्यानंतर देवीची आरती करा आणि गोड नैवेद्य अर्पण करा.