Krishna Janmashtami 2024 : श्रीकृष्ण जन्माष्टमीचा शुभ मुहूर्त काय? कान्हाला दाखवा खास नैवेद्य, पटकन नोट करा रेसिपी

श्रावण महिना हा हिंदू धर्मामध्ये खूप पवित्र मानला जातो. या महिन्यात अनेक सण येतात. यंदा कृष्ण जन्माष्टमी २६ ऑगस्ट रोजी आली असून २७ ऑगस्टला दही हंडीचा उत्सव सर्वत्र साजरा केला जाणार आहे. कृष्ण जन्माष्टमीच्या दिवशी भगवान श्रीकृष्णाचा जन्म झाला होता. श्रावणातल्या कृष्ण पक्षातील अष्टमी तिथीला कृष्ण जन्माष्टमी हा सण साजरा केला जातो. या दिवशी अनेक अनेकजण दिवसभर उपवास करून श्रीकृष्णाच्या भक्तीत तल्लीन होतात. कृष्ण जन्माष्टमीला श्रीकृष्णांच्या मूर्तीला पंचामृताने अभिषेक केला जातो. अभिषेक करताना कृष्णाच्या मंत्राचा जप केला जातो. तसेच या दिवशी सर्वात महत्त्वाचे श्रीकृष्णांना पाळण्यात घातले जाते.

शुभ मुहूर्त

कृष्ण जन्माष्टमीच्या दिवशी म्हणजेच २६ ऑगस्ट २०२४ ला रात्री १२ वाजून १ मिनिटांपासून १२ वाजून ४५ मिनिटांपर्यंत पूजेचा शुभ मुहूर्त आहे.

पंजिरी

साहित्य

• धणे

• साखर

• सुकामेवा

• खोबरं

• तूप

• मखाना

• वेलची पावडर

कृती

पंजिरी बनवण्यासाठी सर्वप्रथम एका पॅनमध्ये तूप गरम करून त्यात कापलेला सुकामेवा छान परतून घ्यावा. तसेच त्याच पॅनमध्ये पुन्हा तूप टाकून मखाना भाजून घ्यावा. आता दुसऱ्या पॅनमध्ये तूप गरम करून त्यात धणे पावडर गोल्डन फ्राय करून घ्या. ही पावडर छान भाजली की, गॅस बंद करा. आता यात भाजलेले मखाना, वेलची पावडर, साखर पावडर आणि सुकामेवा घालून सर्व मिश्रण छान एकत्र करून घ्या. यानंतर हे मिश्रण मंद आचेवर ४ ते ५ मिनिटे हलके परतून घ्या. अशा प्रकारे स्वादिष्ट पंजिरी तयार झाली.