बदलत्या जीवनशैलीचा आपल्या आरोग्यावर परिणाम होऊन अनेक आजार उद्भवतात. त्यातील एक सामान्य आजार म्हणजे डायबिटीज. आजकाल मधुमेहाचे प्रमाण वाढत जात आहे. त्यामुळे आपल्या आहाराकडे विशेष लक्ष देणे गरजेचे आहे. चांगल्या आरोग्यासाठी डॉक्टर सुद्धा सुकामेवा खाण्याचा सल्ला देतात. मात्र डायबिटीजच्या रुग्णांनी काही ड्रायफ्रुट्स खाणे टाळावे. कारण यामुळे रक्तातील साखरेचे प्रमाण वाढते आणि हार्ट अटॅकचा धोका वाढतो.
अनेक ड्रायफ्रुट्समध्ये नैसर्गिक साखर कंसंट्रेटेड फॉर्ममध्ये आणि कार्बोहाइड्रेटचे प्रमाणही जास्त असते. त्यामुळे शरीरातील साखरेची पातळी वेगाने वाढते. मधुमेहाच्या लोकांनी पोषक आहारासोबत नियमित व्यायाम करणे देखील महत्त्वाचे आहे. कारण शारीरिक हालचाल गरजेची आहे.
मनुका
डायबिटीज रुग्णांनी चुकूनही मनुका खाऊ नये. कारण मनुक्यामध्ये इतर ड्रायफ्रूट्स पेक्षा जास्त प्रमाणात साखरेचे प्रमाण असते. त्यामुळे रक्तातील साखरेचे प्रमाण वाढवून मधुमेहाचा धोका उद्भवतो. मनुका वजन कमी करण्यासाठी मनुका फायदेशीर आहे.
खजूर
खजूर खाल्ल्याने मधुमेहाच्या रुग्णांना नैसर्गिक गोडवा मिळतो. मात्र त्यातील ग्लुकोजची पातळी अचानक वाढत असल्यामुळे रक्तातील साखरेची पातळी वाढते.
अंजीर
कोरडे अंजीर मध्ये कंसंट्रेटेड फॉर्म घटक असल्यामुळे रक्तातील साखर अचानक वाढते.
क्रॅनबेरी
मूत्राशयाच्या अनेक समस्यांवर क्रॅनबेरी रामबाण उपाय आहे. पण सुका क्रॅनबेरीमध्ये साखरेचे प्रमाण जास्त असते. त्यामुळे मधुमेहाच्या रुग्णांनी हे खाणे टाळावे.
जर्दाळू
सुक्या जर्दाळूमध्ये जास्त प्रमाणात साखरेचे प्रमाण असते. ज्यामुळे टाईप २च्या मधुमेहाचा धोका वाढतो.
मधुमेहाच्या रुग्णांनी कोणते ड्रायफ्रूट्स खावे?
बदाम
अक्रोड
पिस्ता
काजू
या ड्रायफ्रूट्स मध्ये फायबरचे प्रमाण जास्त असते. तसेच यात जास्त कॅलरीज नसतात. त्यामुळे हृदयाचे आरोग्य उत्तम राहते.
टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.