हिवाळ्यात आपण कमी प्रमाणात पाणी पितो यामुळे डिहायड्रेशनची समस्या होते. परंतु, पाणी कमी प्यायल्याने मुतखड्याचा आजार उद्भवतो. कमी पाणी पिणे आणि लघवी थांबवून ठेवल्यामुळे मुतखड्याच्या समस्यांना समोरे जावे लागते.
शरीरात लघवीचे खडे तयार होतात. या आजाराचे (Disease) प्रमाण पुरुषांमध्ये जास्त पाहायला मिळते. मूत्रपिंड हा आपल्या शरीरातील सगळ्यात महत्त्वाचा भाग आहे. जो रक्त फिल्टर करतो आणि आपल्या शरीरातील विषारी पदार्थ बाहेर काढून टाकण्यास मदत करते. बदललेली जीवनशैली, वाढते वजन आणि इतर अनेक कारणांमुळे मुतखडा होऊ शकतो. याची लक्षणे (Symptoms) कोणती? यावर कशी मात मिळवाल पाहूया.
लघवी करताना वेदना
लघवी दरम्यान रक्तस्त्राव
उलट्या किंवा मळमळ
वारंवार मूत्रविसर्जन
खालच्या ओटीपोटाच्या भागात वेदना
ताप
मूत्रसंसर्ग
ब्रोकोलीमध्ये ऑक्सलेटचे प्रमाण कमी असते, जे किडनी (Kidney) स्टोनवर फायदेशीर ठरु शकते. यामध्ये ९० टक्के पाणी असल्याने किडनीसाठी ते फायदेशीर आहे.
टरबूजमध्ये पोटॅशियम जास्त प्रमाणात असते, जे मूत्रखडा होण्यापासून रोखू शकते. त्यामुळे याचे सेवन केल्याने किडनी स्टोनपासून सुटका होऊ शकते.
दह्यामध्ये कॅल्शियमचे प्रमाण जास्त असते. याचे सेवन केल्याने किडनी स्टोनचा धोका कमी होतो. याशिवाय दूध आणि चीज देखील यावर फायदेशीर ठरते.
संत्र्यामध्ये सायट्रिक ऍसिडचा खजिना आहे, ज्यामुळे किडनी स्टोन रोखण्यास मदत होते. यासोबतच लिंबू खाणे देखील किडनीसाठी फायदेशीर आहे.
स्ट्रॉबेरी खाणे आपल्या आरोग्यासाठी खूप फायदेशीर आहे. त्यात अँटी-ऑक्सिडंट्स आढळतात. त्यामुळे स्ट्रॉबेरी किडनीसाठी गुणकारी आहे.
डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.