Juice For Diabetes : मधुमेहाच्या रुग्णांनी या ४ ज्यूसचे करा नियमित सेवन, कंट्रोलमध्ये राहिल ब्लड शुगर

How To Control Blood Sugar :

हल्ली मधुमेहाच्या आजाराने हल्ली सगळ्या वयोगटातील तरुण त्रस्त आहेत. भारतात मधुमेहाच्या रुग्णांमध्ये वाढ होताना दिसून आली. या काळात खाण्यापिण्याच्या सवयींमुळे रक्तातील साखरेची पातळी वाढू शकते. ज्यामुळे तुमचे आरोग्य बिघडू शकते.

बदलेल्या जीवनशैलीमुळे आपल्या शरीरातील रक्तातील साखरेची (Sugar) पातळी वारंवार वाढत असेल तर आहारात (Diet) बदल करायला हवा. जर आपण काही गोष्टींची वेळीच काळजी घेतली तर रक्तातील साखर नियंत्रणात राहू शकते.

1. पालक रस

पालकमध्ये जीवनसत्त्वे आणि अमीनो ऍसिडसह अनेक घटक आहेत. जे मधुमेहाच्या रुग्णांसाठी फायदेशीर आहे. यामध्ये अँटीऑक्सिडंट्स अधिक प्रमाणात आढळतात. याचा ज्यूस प्यायल्याने टाईप २ मधुमेहाचा (Diabetes) धोका कमी होतो.

2. कारल्याचा रस

कारल्याचा रस आणि पाणी रक्तातील साखेरची पातळी नियंत्रित ठेवण्यासाठी चांगले आहे. यात इन्सुलिन सारखा घटक पॉलीपेप्टाइड पी आढळतो. जो मधुमेह नियंत्रणात ठेवण्यास मदत करतो.

3. दुधीभोपळा

दुधीभोपळ्यामध्ये फायबर असते ज्यात आवश्यक पोषक तत्वांचा समावेश असतो. यात असणारे कमी ग्लायसेमिक इंडेक्समुळे मधुमेहाच्या आजारावर काही प्रमाणात मात करता येईल. यामुळे रक्तातील साखर नियंत्रणात राहिल.

4. कोरफड

कोरफडमध्ये व्हिटॅमिन ई, सी आणि अनेक आवश्यक अँटिऑक्सिडंट्सने समृद्ध आहे. रक्तातील साखरेची पातळी नियंत्रिणत ठेवण्यासाठी आपण कोरफडचा रस पिऊ शकतो. याचे नियमित सेवन केल्याने वजन कमी होण्यासोबतच त्वचा आणि केसांसाठीही खूप फायदा होतो.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा