Onion For Diabetes: डायबिटीजच्या रुग्णांसाठी कांदा ठरेल बेस्ट, रक्तातली साखर होईल झटक्यात कमी, तज्ज्ञांनी दिली माहिती

सर्वसामान्यांपासून उच्च वर्गीयांपर्यंत डायबिटीजचा आजार सगळ्यांनाच असतो. एकदा डायबिटीजच झाली की ती आटोक्यात फार कठीण होऊन बसतं. मग जेवणातले अनेक पदार्थ आणि विशेषत: साखरेतले पदार्थ टाळावेच लागतात. त्यामध्ये लोक विविध प्रकारच्या डायेटचा विचार करतात. त्यामध्ये तज्ज्ञांनी एक मोलाचा सल्ला दिला आहे. ज्याचा वापर करुन तुम्ही नैसर्गिक रित्या झटपट डायबिटीज कमी करु शकता.

आरोग्य क्षेत्रात नेहमीच नवीन संशोधन समोर येत असतात. अशाच एका अभ्यासात वैज्ञानिकांनी असा दावा केला आहे की कांद्याच्या अर्काच्या सेवनाने ब्लड शुगर लेव्हल ५० टक्क्यांपर्यंत कमी होऊ शकते. हा दावा उंदरांवर केलेल्या अभ्यासावर आधारित आहे. वैज्ञानिकांच्या मते, कांदा हा डायबिटीजसाठी सर्वात स्वस्त आणि सहज उपलब्ध उपचार ठरू शकतो.

स्टडीत नेमकं काय आढळलं?

ब्रिटिश वेबसाइट एक्सप्रेसच्या अहवालानुसार, संशोधकांनी आढळून दिलं की एलियम सेपा (Allium cepa) म्हणजेच कांद्याचा अर्क, अँटी डायबेटिक औषध मेटफॉर्मिनसोबत दिल्यास उच्च रक्तातील साखर कमी करण्यात प्रभावी ठरतो.

मेटफॉर्मिन हे टाइप-२ डायबिटीजच्या उपचारासाठी सर्वाधिक वापरले जाणारे औषध आहे.

कांद्यातील नैसर्गिक घटकांनी शरीरातील ग्लुकोज नियंत्रणात ठेवण्यास मदत होते.

कांद्याचे सेवन केल्याने कोणकोणते फायदे होतात?

१. कॅन्सरचा धोका कमी होतो.

Cleveland Clinicच्या अहवालानुसार दरवर्षी सुमारे ३५ पाउंड कांदा किंवा इतर एलियम वर्गातील भाज्यांचे सेवन केल्यास कोलन कॅन्सरचा धोका सुमारे ८०% ने कमी होतो.

२. हृदय रोगांचा धोका कमी होतो.

कांद्यात असलेले अँटिऑक्सिडंट्स आणि क्वेरसेटिन नावाचं फ्लेवोनॉइड शरीराला फ्री रॅडिकल्सपासून संरक्षण देतात आणि हृदयाचे आरोग्य टिकवून ठेवतात.

३. हाडांमधला मजबुतपणा वाढतो.

कांद्यातील अँटिऑक्सिडंट्स हाडांचे नुकसान आणि ऑस्टिओपोरोसिसचा धोका कमी करतात, विशेषतः वाढत्या वयात हाडांची झीज टाळण्यासाठी हे उपयुक्त ठरते.