सध्या पावसाळा सुरू झालाय. वातावरण बदलल्याने अनेक व्यक्तींना सर्दी, खोकला असे आजार होऊ लागलेत. सर्दी खोकला असे आजार आहेत ज्यामध्ये डोकं, घसा, नाक दुखू लागतं. मात्र अनेक व्यक्ती या आजारांना शुल्लक समजतात आणि स्वतःची नीट काळजी घेत नाहीत.
आता तुम्हाला देखील सर्दी खोकला झाला असेल तर आम्ही आज तुमच्यासाठी काही घरगुती औषधे आणली आहेत. या औषधांचा वापर करून तुम्हाला झटपट आराम मिळू शकतो.
आले असलेला चहा
प्रत्येक व्यक्ती सकाळी उठल्यावर चहा पितो. आता तुम्हालाही सकाळी उठल्या उठल्या चहा पिण्याची सवय असेल तर आले घातलेला चहा तुम्ही पिऊ शकता. आल्यामध्ये असलेले घटक तुम्हाला घसा दुखत असल्यास आराम मिळवून देतील.
तुळशीचा काढा
तुळस विविध आजारांवर गुणकारी आहे. त्यामुळे तुम्ही सुद्धा तुळस असलेला चहा प्यायला पाहिजे. त्याने आरोग्याशी निगडित अनेक समस्या दूर होतात तुळस पाण्यात उकळवून घ्या. त्यांमध्ये थोडी वेलची पूड मिक्स करा आणि हे पाणी गाळून पिऊन घ्या. याने देखील सर्दी बरी होते.
सुंठ
सुंठ देखील आपल्याला सर्दी खोकला बरा करण्यासाठी मदत करते. जर खोकला थांबत नसेल आणि घशात सतत खवखव होत असे तर सुंठ बारीक करून घ्या. याचे सेवन तुम्ही मधासोबत करू शकता.
कोमट पाणी
सर्दीने नाक आणि घसा जाम झाला असेल तर थंड पाणी पिणे बंद करा. आजपासून कोमट पिण्यास सुरुवात करा. पावसाळ्यात अनेक ठिकाणी पिण्याचे पाणी देखील स्वच्छ येत नाही. त्यामुळे शक्यतो पाणी उकळून घ्या. त्यानंतर कोमट करून त्याचे सेवन करा.
वाफ घ्या
वाफ घेणे आपल्या आरोग्यासह चेहऱ्यासाठी फार छान आहे. त्यामुळे तुम्ही देखील दररोज सकाळी उठल्यावर आणि रात्री झोपण्याआधी वाफ घ्या. वाफ घेताना त्या पाण्यात निलगिरीचे ड्रॉप टाका.
टीप : ही फक्त सामान्य माहिती आहे. आरोग्याच्या या माहितीचा आम्ही कुठलाही दावा करत नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.