kitchen Cleaning Tips: किचन कॅबिनेटमधून येणारी दुर्गंधी आणि घाण साफ करण्यासाठी 'हे' घरगुती उपाय ठरतील प्रभावी

घरातील मुख्य असे हे स्वयंपाकघर असते. किचनचे सौंदर्य वाढवण्यात आणि किचनमध्ये विखुरलेल्या सर्व वस्तु व्यवस्थित ठेवण्यासाठी कॅबिनेटची महत्त्वाची भुमिका दिसून येते. मात्र अनेकदा घाणेरड्या आणि ओल्या हातांनी कॅबिनेटला हात लावल्यास त्यावर अनेक डाग लागतात तसेच त्यामधील अनेक वस्तू खराब होण्यासही सुरुवात होते.

अनेकदा स्वयंपाक घरातूल कुबट वास येतो,त्यामुळे स्वयंपाक घरात (kitchen)जाण्याची इच्छाही होत नाही. त्यामुळे किचन साफ करण्यासोबत स्वयंपाकघरातील कॅबिनेट स्वच्छ करणे महत्त्वाचे असते. दर आठवड्यामध्ये स्वयंपाकघर स्वच्छ करण्यासोबत कॅबिनेटही स्वच्छ करावे. आम्ही सांगत असलेल्या घरगुती उपायांच्या मदतीने तुम्ही स्वयंपाकघरातील महत्त्वपूर्ण कॅबिनेट स्वच्छ करु शकता.

स्वयंपाक घरातील प्लास्टिक कॅबिनेट कसे स्वच्छ करावे जाणून घ्या

साबण आणि गरम पाणी

स्वयंपाक घरातील प्लास्टिक कॅबिनेट नव्यासारखे चमकवण्यासाठी लिंबाचा रस अत्यंत महत्त्वाचा ठरतो. त्यासाठी सुरुवातीस तुम्ही एक कप कोमट पाणी घ्याले त्या कोमट पाण्यात साधारण ३-४ लिंबाचा रस मिस्क करा. मग एक स्वच्छ(clean) कापड घेऊन त्या पाण्यात बुडवा. त्या कापडाने सर्व प्लास्टिक कॅबिनेट स्वच्छ करा. अशा पद्धतीने तुम्ही प्लास्टिक कॅबिनेट स्वच्छ केल्यास सर्व असलेले डाग निघण्यासही मदत होते तसेच कॅबिनेट नव्यासारखे दिसते.

लाकडी कॅबिनेट कसे स्वच्छ करावे

बेकिंग सोडा आणि लिंबू

जसे तुम्ही कोमट पाणी आणि लिंबूच्या (lemon) साहाय्याने प्लास्टिक कॅबिनेट स्वच्छ केले आता लाकडी कॅबिनेट स्वच्छ करण्यासाठी बेकिंग सोडा आणि लिंबाची मदत होईल. त्यासाठी सुरुवातीस स्वयंपाक घरात उपलद्ध असलेला बेकिंग सोडा २ चमचे घ्या. त्यात काही प्रमाणात लिंबाचा रस मिसळा शिवाय एक कप गरम पाणी घाला. हे सर्व मिश्रण एका स्प्रे बाटलीत भरुन घ्या. बाटलीत भरलेले मिश्रण लाकडाच्या कॅबिनेटवर मारून ते १५ ते ३० मिनिटे तसेच ठेवून द्या. शेवटी एका स्वच्छ कापडाने लाकडी कॅबिनेट पुसून घ्या.

पांढरा व्हिनेगर

पांढरा व्हिनेगर वापरुनही लाकडी कॅबिनेट स्वच्छ करता येऊ शकतो. त्यासाठी तुम्हाला एक कप साधारण पाण्यात चार चमचे व्हाईट व्हिनेगर आणि दोन चमचे खोबरेल तेल मिसळा. हे झालेले मिश्रणाच्या मदतीनेही तुम्ही लाकडी कॅबिनेट स्वच्छ करु शकता.

डिस्क्लेमर - सदर लेख फक्त सामान्य माहितीसाठी आहे. याचा आमच्याशी कोणताही संबंध नाही.