Ambarnath News : अंधश्रद्धेतून जादूटोणा करण्याचा प्रकार; रस्त्यात ठेवला लिंबू दोरा, नागरिकांमध्ये घबराट

अंबरनाथ : अंधश्रद्धेतून जादूटोणा, अघोरी विद्या केले जात असल्याचे अनेक प्रकार समोर आले आहेत. असाच एक प्रकार (Ambarnath) अंबरनाथ शहरात समोर आला असून रात्रीच्यावेळी रस्त्याच्या मधोमध लिंबू, दोरा ठेवण्यात आले आहेत. या प्रकाराने नागरिक भयभीत झाले आहेत. 

आपली पनौती (पनवती -इडा पिडा) दुसऱ्यावर टाकण्यासाठी अंधश्रद्धेतून काहीजण अघोरी प्रयोग करत असतात. त्यानुसार अंधाऱ्या रात्रीत रस्त्याच्या मधोमध सुपामध्ये लिंबू दोरे आणि इतर वस्तू ठेवून दोन विकृत व्यक्ती ताबडतोब पसार झाले. अंबरनाथमधील शिवगंगा नगरमध्ये हा प्रकार समोर आला आहे. सदर प्रकार पाहून तेथे नागरिक घटनास्थळी जमा होऊ लागले. मात्र हा प्रकार पाहून काहीजण घाबरून दूर पळू लागले. तर हे पाहून रस्त्यातील वाहनांनी, व्यक्तींनी आपले मार्ग बदलले. 

अंधश्रद्धेच्या विरुद्ध अंबरनाथ (MNS) मनसेचे शहर सचिव अविनाश सुरसे यांची जनजागृती आणि निषेध व्यक्त करत अन्नघटकही असल्याने सुरसे यांनी स्वतः ते उचलून वाहत्या पाण्यात सोडून आले. या प्रकाराने शिवगंगा नगर मध्ये उलट सुलट चर्चा सुरू आहे. दरम्यान अंबरनाथ शिवगंगा नगरमधील हि घटना सीसीटीव्ही कॅमेरामध्ये कैद झाली आहे.