HPCL Job Vacancy : हिंदुस्तान पेट्रोलियममध्ये भरतीची प्रक्रिया सुरु झाली आहे. या भरतीत जवळपास ३१२ रिक्त जागा भरण्यात येणार आहेत. अनेक तरुणांचं स्वप्न लवकरच पूर्ण होऊ शकते. या भरतीसाठी पात्र उमेदवार अर्ज करु शकतात.
या अर्जाची शेवटची तारीख ही १८ सप्टेंबर आहे. त्यासाठी लवकरच तरुणांनी अर्जाचे फॉर्म भरायला हवे. जाणून घेऊया अर्जाची प्रक्रिया कशी असेल ते.
1. कोणत्या जागांसाठी भरती.
हिंदुस्तान पेट्रोलियम कॉर्पोरेशन लिमिटेड (HPCL)च्या विविध विभागांमध्ये अभियंता, अधिकारी आणि सहाय्यक व्यवस्थापकाच्या 300 अधिक पदांसाठी भरतीसाठी जाहिरात प्रसिद्ध केली आहे. कंपनीने (Company) जारी केलेल्या अधिसूचनेनुसार, मेकॅनिकल, इलेक्ट्रिकल, सिव्हिल, इन्स्ट्रुमेंटेशन आणि केमिकल ट्रेडमधील अभियंता पदांसह इतर पदांसाठी नियमितपणे भरती केली जाणार आहे.
2. कसा कराल अर्ज (Apply) ?
अर्ज करण्यास इच्छुक उमेदवार HPCL, hindustanpetroleum.com च्या अधिकृत वेबसाइटवर भेट देऊ शकतात.
अर्जाची शेवटची दिनांक 18 सप्टेंबर 2023 रोजी रात्री 11.59 वाजेपर्यंत आहे.
3. अर्जाची फी (Fees)
अर्ज करताना, अनारक्षित, इतर मागासवर्गीय (नॉन-क्रिमी लेयर) आणि आर्थिकदृष्ट्या दुर्बल घटकातील उमेदवारांना ऑनलाइन माध्यमातून 1180 रुपये शुल्क भरावे लागेल.
अनुसूचित जाती, अनुसूचित जमाती आणि अपंग उमेदवारांना शुल्क भरावे लागणार नाही.
4. पात्रता
विविध विभागांमधील अभियंता पदांसाठी, उमेदवारांनी संबंधित ट्रेडमध्ये 4 वर्षे पूर्णवेळ नियमित पदवी उत्तीर्ण केलेली असावी. उमेदवारांचे वय २५ वर्षांपेक्षा जास्त नसावे.
इन्फॉर्मेशन सिस्टम्स (IS) ऑफिसरच्या पदांसाठी, संगणक विज्ञान / IT अभियांत्रिकीमध्ये 4 वर्षांचे B.Tech किंवा MCA असणे आवश्यक आहे आणि वय 29 वर्षांपेक्षा जास्त नसावे.
राखीव प्रवर्गातील उमेदवारांना वयोमर्यादेत सूट मिळेल.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
