Thursday Astro Remedies: घरात येईल सुख-शांती; गुरुवारच्या दिवशी हे खास उपाय नक्की करा

हिंदू धर्मात पूजा-पाठाला विशेष महत्त्व दिलं जातं आणि आठवड्यातील प्रत्येक दिवस हा एखाद्या देवतेला समर्पित असतो. गुरुवारचा दिवस भगवान विष्णू आणि देवगुरु बृहस्पती यांना अर्पण मानला जातो. मात्र असं मानलं जातं की, या दिवशी श्रद्धेने विष्णूंची पूजा-अर्चना केली तर घरात धनधान्याची कमतरता भासत नाही.

गुरुवारच्या दिवशी पिवळी वस्त्र धारण करणं आणि पिवळ्या रंगाचा आहार घेणं अत्यंत शुभ मानलं जातं. असं केल्याने भगवान विष्णू प्रसन्न होतात आणि सर्व मनोकामना पूर्ण होतात.

पौराणिक कथेनुसार, भगवान विष्णूचे प्रिय वाहन गरुडदेव यांनीच गुरुवारचा दिवस प्रभू विष्णूंसाठी समर्पित केला होता. त्यामुळे या दिवशी विष्णूंची पूजा केल्यास घरात सकारात्मक ऊर्जा निर्माण होते आणि आयुष्यातील अडथळे दूर होण्यास मदत होते.

कुंडलीतील गुरु ग्रह बळकट करण्याचे उपाय

गुरुवारी स्नानाच्या पाण्यात एक चिमूटभर हळद टाकून स्नान करणं अत्यंत शुभ मानण्यात येतं. यामुळे कुंडलीतील गुरुची स्थिती मजबूत होते. या दिवशी कपाळावर पिवळा चंदन किंवा हळदीचा तिलक लावणंही लाभदायक आहे.

धनलाभासाठी उपाय

धनलाभ व्हावा यासाठी गुरुवारी हळद मिसळून पिठाची रोटी तयार करून ती गुळासह गायीला खाऊ घालावी. असे केल्याने जीवनातील आर्थिक अडचणी दूर होतात आणि प्रगतीची दारं उघडतात. हा उपाय सलग ११ गुरुवार केला तर उत्तम परिणाम मिळतात.

सुख-शांतीसाठी उपाय

घरात सुख-शांती आणि समृद्धी नांदावी यासाठी गुरुवारी भगवान विष्णूंचा हळदीच्या पाण्याने अभिषेक करावा आणि विष्णू मंत्रांचा जप करावा. तसंच हळदीचं पाणी शिंपडावं आणि मुख्य दरवाजावर हळदीचा तिलक लावावा. यामुळे घरातील नकारात्मक ऊर्जा दूर होऊन सकारात्मकता वाढते.

विवाहातील अडथळे दूर करण्यासाठी उपाय

ज्यांच्या विवाहात अडचणी येत आहेत त्यांनी गुरुवारी स्नानाच्या पाण्यात हळद टाकून स्नान करावं आणि स्नान करताना “ॐ नमो भगवते वासुदेवाय” या मंत्राचा जप करावा. हा उपाय गुरु ग्रह बळकट करून विवाहातील अडथळे दूर करतो. त्याचबरोबर ९ किंवा ११ गुरुवार उपवास ठेवणंही अत्यंत फलदायी मानलं जातं.

बृहस्पती ग्रह मजबूत करण्याचा उपाय

ज्यांच्या कुंडलीत गुरु ग्रह कमजोर असेल त्यांनी गुरुवारी देवगुरु बृहस्पतीची विधिवत पूजा करावी. तसंच “ॐ ग्रां ग्रीं ग्रौं सः गुरवे नमः” या मंत्राचा जप करणं अत्यंत शुभ मानलं जातं.

(Disclaimer - या ठिकाणी दिलेली माहिती शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)