Budhwar che Upay: बुधवारच्या दिवशी करा फक्त 'ही' 6 कामं; नशीब चमकून घरात होणार पैशांचा पाऊस

हिंदू धर्मातील मान्यतांनुसार बुधवारचा दिवस भगवान गणेशांना अत्यंत प्रिय मानला जातो. या दिवशी गणपती बाप्पाची विशेष पूजा केली जाते. असं मानलं जातं की, गणेशपूजेने बुधदेव प्रसन्न होतात आणि कुंडलीतील बुध ग्रहाची स्थिती अनुकूल झाल्यास त्यांच्या कृपेने व्यापारात इच्छित यश मिळण्यास मदत होते. त्याचप्रमाणे उत्पन्न आणि सौभाग्य वाढतं.

ज्योतिषशास्त्रानुसार बुधवारच्या दिवशी काही खास उपाय सांगितले गेले आहेत. हे उपाय केल्यास नशीब उजळू शकतं आणि पैशांची तंगी दूर होऊ शकते. करिअर आणि व्यवसायात प्रगती साधायची असल्यास बुधवारच्या दिवशी हे उपाय अवश्य करावेत.

बुधदेवांना प्रसन्न करण्यासाठी काय करावं?

जर तुम्ही पैशांच्या तंगीने त्रस्त असाल आणि यापासून कायमचा दिलासा तुम्हाला हवा असेल तर तर बुधवारच्या दिवशी भगवान गणेशांची पूजा करून गुळाच्या रसाने गणपती बाप्पाचा अभिषेक करा. असं मानलं जातं की, या उपायाने गणेश बाप्पा लवकर प्रसन्न होतात.

विशेष पत्रांची अर्पण

भगवान गणेशांना प्रसन्न करण्यासाठी बुधवारच्या दिवशी पूजेदरम्यान त्यांना शमीची पानं आणि पानाचे पान अर्पण करा. हे पान अर्पण करताना-

"वक्रतुण्ड महाकाय सूर्यकोटि समप्रभ।

निर्विघ्नं कुरु मे देव सर्वकार्येषु सर्वदा॥"

हा मंत्र जपा.

वास्तुदोष दूर करण्यासाठी उपाय

घरातील वास्तुदोषापासून मुक्त व्हायचं असल्यास बुधवारच्या दिवशी स्नान करून भगवान श्रीकृष्णांना बासरी अर्पण करा आणि नंतर ती बासरी घरातील उत्तर दिशेला ठेवून द्या. या उपायाने घरातील वास्तुदोष कमी होतो.

आर्थिक तंगी दूर करण्यासाठी

जर तुम्हाला आर्थिक अडचणीतून सुटका हवी असेल, तर बुधवारच्या दिवशी भक्तिभावाने गणेश बाप्पाची पूजा करा. पूजेदरम्यान त्यांना दूर्वा आणि मोदक अर्पण करणं विसरू नका. या उपायाने पैशांशी संबंधित सर्व समस्या दूर होऊ शकतात.

व्यापारात प्रगतीसाठी

जर तुम्हाला व्यवसायात वाढ आणि नफा हवा असेल तर बुधवारच्या दिवशी गणेश बाप्पाच्या पूजेत ११ किंवा २१ दूर्वा अर्पण करा. दूर्वा अर्पण करताना गणेश स्तुती करा. या उपायाने व्यापारात यश मिळते.

सौभाग्य वाढवण्यासाठी उपाय

जर तुम्हाला बुधदेवांची विशेष कृपा हवी असेल तर बुधवारच्या दिवशी पूजेदरम्यान गायीच्या कच्च्या दुधात दूर्वा मिसळून गणेश बाप्पाचा अभिषेक करा. या उपायाने सुख-समृद्धी आणि सौभाग्य वाढते.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)