Hair Falls Home Remedies : सतत गळणाऱ्या केसांपासून सध्या प्रत्येक वयोगटातील पिढी त्रस्त आहे. लांबसडक काळेभोर केस हल्ली सगळ्यांना हवेहवेसे वाटतात. पण केस का गळतात ? यामागचे कारण अनेकांना माहीत नाही.
खाण्यापिण्याची चुकीची पद्धत व प्रदूषणामुळे हल्ली केस गळतीची समस्या वाढते आहे. काहीचे केस लहान वयातच पांढरे होतात तर केस गळतीच्या समस्याही वाढल्या आहेत. असे का होते यामागचे कारण समोर आले आहे. त्यापैकी एक कारण म्हणजे ते पदार्थ, ज्यांच्या सेवनाने आपले केस गळायला लागतात. आज आम्ही तुम्हाला अशा पदार्थांबद्दल सांगणार आहोत जे तुम्ही टाळावेत.
1. केस गळण्याची कारणे
केसांसाठी (Hair) जंकफूड हे अतिशय हानिकारक असते. आरोग्य तज्ज्ञांच्या मते, जेव्हा शरीरात घाण साचते तेव्हा आरोग्याच्या (Health) अनेक समस्या वाढतात. त्यामुळे शरीरात सूज येणे, सांधे दुखणे, त्वचा कोरडी पडणे, केस गळणे अशा समस्या सुरू होतात.
2. कोणते पदार्थ खाण्यासाठी टाळ्याला हवे ?
आरोग्य तज्ज्ञांच्या मते, केसगळतीची समस्या टाळण्यासाठी शिळे अन्न पदार्थ, जंक फूड (Food) खाणे पूर्णपणे टाळा. यासोबतच थंड पदार्थ, राजमा आणि हरभरा डाळही कमी खावी. एवढेच नाही तर बटाटे आणि कोबी खाल्ल्याने केस गळण्याची समस्याही वाढते.
3. हे बदल करा
केस गळतीची समस्या अधिक सुरु झाली असेल तर तुम्हाला खाण्यापिण्यात बदल करावे लागतील. यासाठी तुम्हाला केसांना तेलाने मालिश करायला हवी. आहारात हेल्दी पदार्थांचा समावेश करायला हवा. यासोबतच जेवल्यानंतर अर्ध्या तासाने आणि झोपण्यापूर्वी कोमट पाणी प्यावे. प्रदूषणापासून केसांची निगा राखावी.
डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.