Constipation: सकाळी लवकर पाणी प्यायल्याने पोट साफ होतं, तथ्य की खोटं? काय म्हणतात एक्सपर्ट

पोट साफ होत नसेल तर अनेकजण सकाळी पाणी पिण्याचा सल्ला देतात. पण सकाळी झोपेतून लवकर उठल्यानंतर लगेच पाणी प्यायल्यानं पोट साफ होण्यास मदत होते का, या दाव्यात किती तथ्य आहे? याचा थेट संबंध पचनसंस्थेशी आहे का? दरम्यान बद्धकोष्ठता ही एक सामान्य समस्या आहे, जी तेव्हा उद्भवते जेव्हा शौच कडक होते आणि ते बाहेर टाकण्यास त्रास होत असतो.

बहुतेक लोकांना आयुष्यात कधी ना कधी या समस्येचा सामना करावा लागतो. बहुतेकदा, शरीरातील पाण्याची कमतरता आणि फायबरच्या अभावामुळे बद्धकोष्ठतेची समस्या उद्धवत असते. सकाळी पाणी प्यायल्याने ही समस्या बऱ्याच अंशी कमी होऊ शकते.

पाणी प्यायल्याने प्रेशर निर्माण होतो का?

एपेकवॉटरच्या (Apecwater) एका अहवालानुसार, सकाळी रिकाम्या पोटी पाणी प्यायल्याने तुमची आतड्या सक्रिय होतात. वैद्यकीय भाषेत याला 'गॅस्ट्रोकोलिक रिफ्लेक्स' (gastrocolic reflex) म्हणतात, ज्यामुळे अन्न किंवा पाणी पोटात जाताच मोठ्या आतड्याची क्रिया वेगवान होते. यामुळेच अनेक लोकांना सकाळी पाणी प्यायल्यानंतर शौचास जाण्याची इच्छा होते. पचनक्रिया समजून घेण्यासाठी, जेव्हा अन्न लहान आतड्यातून मोठ्या आतड्यात पोहोचते,

तेव्हापर्यंत त्यातील पोषक तत्वे आधीच वेगळी निघाली असतात. मोठ्या आतड्याचे काम म्हणजे उरलेल्या पदार्थांमधून पाणी शोषून घेणे आणि त्याचे घट्ट विष्ठेमध्ये रूपांतर करणे. जर शरीरात पाण्याची कमतरता असेल, तर आतडे जास्त पाणी शोषून घेते, ज्यामुळे विष्ठा कठीण आणि कोरडी होते, आणि बद्धकोष्ठतेचा धोका वाढत असतो.

शरीरात पाणी एक महत्त्वाची भूमिका बजावते. पुरेसे पाणी प्यायल्याने शौच ओलसर राहण्यास मदत होते, ज्यामुळे ते मऊ होऊन सहज बाहेर पडते. म्हणूनच असे म्हटले जाते की पाणी बद्धकोष्ठता कमी करण्यास मदत करते. मात्र, केवळ पाणी पिणे पुरेसे नाही. जर तुम्ही पुरेसे फायबर सेवन केले नाही, तर पाण्याचे परिणाम मर्यादित होऊ शकतात.

चांगल्या फायद्यासाठी फळे, भाज्या आणि फायबरने समृद्ध असलेल्या आहारासोबत पाणी पिणे महत्त्वाचे आहे. तज्ञांच्या मते, जर तुम्हाला बद्धकोष्ठतेचा त्रास होत असेल, तर तुम्ही दिवसातून किमान ८-१० ग्लास पाणी प्यायला पाहिजे. काही प्रकरणांमध्ये, यापेक्षा जास्त पाणी पिणे फायदेशीर ठरू शकते.