भरत मोहोळकर, साम टीव्ही
मुंबई : कॅन्सर या आजाराचं नाव जरी ऐकलं तरी हृदयाचा थरकाप उडतो...आणि या आजारात सर्वात मोठं आव्हान असतं ते वेळेत निदान होण्याचं. काऱण निदान होईपर्यत कॅन्सर रुग्णाच्या शरीरात पसरलेला असतो. मात्र कॅन्सरचं वेळेत निदान झालं तर रुग्णाचा जीव वाचवता येतो. नेमकं हेच डोळ्यासमोर ठेवून आयआयटी कानपूरच्या प्राध्यापकांनी माऊथ कॅन्सरचं झटपट निदान करणाऱ्या डिव्हाईस तयार केलंय. त्यामुळे तोंडाच्या कॅन्सरचं वेळेत निदान करणं शक्य होणार आहे. मात्र हे डिव्हाईस कसं काम करतं? पाहूयात...
टूथब्रशच्या आकाराच्या डिव्हाईसमध्ये हाय क्वॉलिटी कॅमेरा आणि एलईडीचा वापर करण्यात येतो. हे डिव्हाईस मोबाईल, टॅबलेट आणि आयपॅडला कनेक्ट करता येतं. कॅमेरा तोंडातील पोटो घेऊन त्याचं विश्लेषण करून रिपोर्ट पाठवतो. डिव्हाईस माऊथ कॅन्सरची स्टेज आणि निदान करते. हे डिव्हाईस पॉवर बॅकअपसह आरोग्याची ट्रॅकिंग हिस्ट्री जमा करते. डिव्हाईसची अचूकता 90 % इतकी आहे. चाचणी करताना कोणत्याही प्रकारचा त्रास होत नाही. एक डिव्हाईसने किमान 5 लाख चाचण्या करणं शक्य आहे.
आयआयटी कानपूरचे प्राध्यापक जयंत कुमार सिंह यांच्या टीमने 6 वर्षाच्या संशोधनानंतर या पोर्टेबल डिव्हाईसचा शोध लावलाय.. हे डिव्हाईस स्कॅन जिनी या कंपनीने बनवलंय. या डिव्हाईसची किंमत दीड ते 2 लाख रुपये असणार आहे. हे डिव्हाईस डिसेंबरपर्यंत बाजारात येण्याची शक्यता आहे. या डिव्हाईसमुळे मेडिकल क्षेत्रात मोठी क्रांती होऊ शकते.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.