Baby Food: १ वर्षापेक्षा लहान बाळांना देऊ नका हे २ पदार्थ! डॉक्टरांनी काय सल्ला दिला? वाचा...

घरात लहान बाळ असलं की सगळं वातावरण एकदम आनंदी आणि उत्साही असतं. बाळाला बघायला सतत कुटुंबातली मंडळी, मित्रपरिवार, शेजारची मंडळी येत असतात. अर्थात बाळाच्या घरचेही अगदी आनंदाने त्यांना बाळ दाखवत. त्यांच्याकडे देतात. पण जेव्हा बाळ रांगायला लागतं तेव्हा घरातले कोणी जेवताना किंवा नाश्ता करताना ते शेजारी येतं.

मग आपण जे खातोय ते मागण्याचा हट्ट करतं. आपण त्यांना त्या गोष्टी चाखायला देतोही पण त्यांच्या आरोग्यासाठी ते पदार्थ हानिकारक ठरु शकतात. तज्ज्ञांनी पुढे दिलेल्या माहित १ वर्षाखालील बाळाला कोणतं पदार्थ देणं टाळलं पाहिजे याबद्दल सविस्तर माहिती देण्यात आली आहे.

आजकाल बदललेल्या खानपानाच्या सवयींमुळे लहान मुलांच्या आरोग्याबाबत पालक अनेकदा गोंधळात पडतात. बाळ काय खावं आणि काय खाऊ नये, कोणत्या पदार्थांची चव त्यांना चाखायला द्यावी याबाबत पालक जाणून घेत नाहीत. याचा परिणाम लगेचच मुलांच्या आरोग्यावर होतो. एक वर्षापेक्षा कमी वयाच्या बाळांना तर काही पदार्थ अजिबात खायला घालू नयेत, असा महत्त्वाचा सल्ला डॉक्टरांनी दिला आहे.

लखनऊ येथील स्त्रीरोगतज्ज्ञ डॉक्टर आस्था यांनी बाळांसाठी कोणते पदार्थ चांगले आणि कोणते नुकसानकारक आहेत याबाबत स्पष्ट माहिती दिली आहे. डॉक्टरांच्या मते, अनेक पालक बाळांना दुधात बिस्कीटं देतात. पण बिस्कीटांमध्ये फक्त मैदा आणि साखर असते. याने बाळाला कोणतंच पोषण मिळत नाही हे समजून घेतलं पाहिजे.

सेरेलेक (Cerelac)हा पदार्थही अनेक पालक बाळांना खाऊ घालतात. पण यामध्ये फक्त सारखरंच प्रमाण जास्त असतं. त्यामुळे हा पदार्थ रोज देण्याऐवजी कधीतरीच देणं योग्य आहे. तुम्ही बाळाला गाय किंवा म्हशीचं दूध देणंही कमी केलं पाहिजे.

कारण हे दूध जड असतं आणि बाळाचं पोट ते सहज पचवू शकत नाही. त्यामुळे पोटात त्रास होण्याची शक्यता जास्त असते. एक वर्ष पूर्ण झाल्यानंतरच आणि तेही कमी प्रमाणात हे दूध द्यावं, असं तज्ज्ञ सांगतात. तसेच बाहेरचे कोणतेच पदार्थ बाळ १ वर्षाचं होईपर्यंत देऊ नये.

टीप : ही माहिती केवळ जनजागृतीसाठी आहे. बाळाच्या आहारात कोणताही बदल करण्यापूर्वी डॉक्टरांचा सल्ला घेणं आवश्यक आहे.