Mukhyamantri Yuva Karya Prashikshan Yojana : आता लाडक्या भावांसाठी सरकारची योजना; अर्ज कुठे करणार, अटी काय? वाचा सविस्तर

राज्य सरकारकडून आता मुख्यमंत्री युवा कार्य प्रशिक्षण योजना राबवली जाणार आहे.

मुख्यमंत्री युवा कार्य प्रशिक्षण योजनेकरिता ५ हजार ५०० कोटींची तरतूद करण्यात आली आहे.

या योजनेसाठी उमेदवाराचे वय १८ ते ३५ वर्ष असणे आवश्यक आहे.

या योजनेसाठी उमेदवारांना प्रशिक्षण कालावधीत १२ वी उत्तीर्ण- रु.६ हजार, आय.टी.आय व पदविका उत्तीर्ण- रु.८ हजार, पदवीधर आणि पदव्युत्तर उत्तीर्ण - रु.१० हजार दरमहा विद्यावेतन मिळणार आहे.

सरकारच्या योजनेचा लाभ घेण्यासाठी इच्छुक उमेदवारांनी कौशल्य, रोजगार, उद्योजकता व नाविन्यता विभागाच्या https://rojgar.mahaswayam.gov.in या वेबसाईटवर ऑनलाईन नोंदणी करणे आवश्यक आहे.

तसेच या योजनेचा कार्य प्रशिक्षण ( इंटर्नशिप) कालावधी सहा महिने आहे. शासकीय, निमशासकीय कार्यालये, महामंडळे व विविध क्षेत्रातील प्रकल्प, उद्योग, स्टार्टअप्स,आस्थापनांनी आवश्यक मनुष्यबळाची मागणी ऑनलाईन नोंदविणे गरजेचे असणार आहे.

या कार्य प्रशिक्षणाद्वारे (इंटर्नशिप) उमेदवारांना रोजगारक्षम करणे आणि उद्योगाकरिता कुशल मनुष्यबळ तयार करणार आहे.