Wednesday Horoscope : तब्येतीची काळजी घ्या, हितशत्रूंमध्ये वाढ होईल; ५ राशींच्या लोकांना सांभाळून पावले उचलावी लागणार

आजचे पंचांग

बुधवार,२ जुलै २०२५,आषाढ शुक्लपक्ष,

बुधाष्टमी.

तिथी-सप्तमी ११|५९

रास-कन्या

नक्षत्र-उत्तरा

योग-वरीयान

करण- वणिज

दिनविशेष-१२ प.चांगला

मेष - उष्णतेचे विकार होतील. थोडी तब्येतीची काळजी घेणे आज गरजेचं आहे. हितशत्रूंमध्ये वाढ होईल. मानसिकता जपावी लागेल.

वृषभ - मनोरंजनात्मक कार्यामध्ये विशेष रस वाढेल. क्रीडा क्षेत्रात प्रगती होईल. संततीकडून आनंदाच्या वार्ता आल्यामुळे दिवसाला सुखाचे उधाण येईल. लक्ष्मी उपासना करावी.

मिथुन - वाहन सौख्य, गृह सौख्याच्या दृष्टीने दिवस उत्तम आहे. मनात ठरवलेल्या योजना तसेच पद्धतीने पार पडतील. पुस्तक खरेदी, वाचनामध्ये आनंद शोधाल.

कर्क - भावंडासौख्याच्या दृष्टीने दिवस चांगला आहे. काहीतरी वेगळे आयुष्यात घडते आहे याची जाणीव होईल. स्वप्नांना नवे पंख फुटतील. जवळचे प्रवास घडतील. दिवस संमिश्र आहे.

सिंह - जोडीदाराच्या तब्येतीची विशेष काळजी घेणे आज गरजेचे आहे. ताण, त्रास येऊ नये त्यासाठी कुटुंबीयांची मदत आज मोलाची ठरेल. धनयोगासाठी, गुंतवणुकीसाठी दिवस चांगला आहे.

कन्या - श्रीराम कृपेने छान चालू आहे अशी भावना आज येईल. सकारात्मक लहरींनी भारलेला आजचा दिवस असेल. नवीन ऊर्जा घेऊन काम कराल. कामे सुखावह होतील.

तूळ - करियर मध्ये महत्त्वाचा टप्पा पार पाडाल. मनोबल थोडे कमी राहील. मोठ्या प्रवासाचे योग आणि नियोजन याच्या दृष्टीने दिवस उत्तम आहे. पैशाचे व्यवहार जपून करावेत.

वृश्चिक - अनेक लाभ घेऊन आलेला आजचा दिवस आहे. सून, जावई जवळचे परिचित, मित्र मैत्रिणी, स्नेहीजन यांच्याबरोबर आनंदाचे क्षण घालवाल. गुंतवणूक फायद्याची ठरेल.

धनु - समाजकारणामध्ये विशेष यश मिळेल. नियोजित कामे योग्य वेळी घडतील. करिअरला नवीन दिशा सापडेल. योग्य व्यक्तीचे मार्गदर्शन आपल्या क्षेत्रात मिळाल्यामुळे नवा हुरूप येईल.

मकर - शिव उपासना करावी. लांबच्या प्रवासाच्या दृष्टीने दिवस चांगला आहे. दानधर्म अध्यात्म यामध्ये दिवस व्यस्त राहील. भाग्यकारक घटना घडतील.

कुंभ - जेवढे काम कराल तेवढेच कमवाल. पण कमवताना काळा पैसा नाही ना याचा चार वेळा विचार करा. संकटे आली तरी एकट्यानेच यावर मात करावी लागेल. त्यामुळे मोठे धाडस आज नकोच.

मीन - जोडीदाराबरोबर आनंदी क्षण उपभोगाल. कोर्ट कचेरीच्या गोष्टी असतील तर त्यामध्ये आज यश मिळेल. नव्याने व्यवसाय सुरू करायचा असेल किंवा नवीन संकल्पना राबवायची असेल तर आजचा दिवस चांगला आहे.