Horoscope Today : तुम्ही आयुष्याची नवी सकाळ अनुभवाल; ५ राशींच्या लोकांच्या आयुष्यात मोठा बदल घडणार

आजचे पंचांग

बुधवार,२ एप्रिल २०२५,चैत्र शुक्लपक्ष.

तिथी-पंचमी २३|५०

रास-वृषभ

नक्षत्र- कृत्तिका

योग-आयुष्मान

करण- बवकरण

दिनविशेष- ९ नं. चांगला

मेष - मोठ्या महत्त्वाकांक्षा घेऊन आलेला दिवस आहे. अनेक गोष्टी पदाक्रांत करायला लागतील. पण दिवसाच्या शेवटी काही न हाती आल्यामुळे निराशा पदरी पडेल.

वृषभ - कलासत्ता आणि कलंदर असणारी आपली रास आहे. वेगळा निश्चय घेऊन दिवसाची सुरुवात होईल. दिवस आनंदी जगण्याचा फंडा आज हाती सापडल्यासारखे वाटेल. इतरांवर आपला प्रभाव राहील.

मिथुन - कुटुंबीयांबरोबर काही अडचणी असतील, संवादात त्रुटी असतील तर आज सलोख्याचे संबंध प्रस्थापित होतील. आपण इतरांना बरोबर घेऊन जाण्याचा आजचा दिवस आहे. आर्थिक आवकजावक चांगली राहील.

कर्क - मनाने प्रेमळ कोमल आणि वात्सल्यपूर्ण असणारी आपली रास आहे. आपल्याला भावंडांवर विशेष प्रेम वाढेल. एकत्रितरित्या प्रवासाचे योग आहेत. दिवस चांगला आहे.

सिंह - शेती- बागायतीच्या कामात जोरदार सुरुवात होणार आहे. सुखाची चाहूल लागेल. मातृ सौख्याच्या दृष्टीने दिवस छान आहे.

कन्या - विष्णू उपासना आज फलदायी ठरेल. संततीबरोबर आनंदाचे क्षण घालवाल. त्यांच्याकडून सुवार्ता मिळतील. धन गुंतवणूक योग्य ठरेल.

तूळ- तब्येतीच्या जरा कुरबुरी राहतील. पण नोकरी व्यवसायामध्ये सुखकर दिवस आहे. कनिष्ठ यांच्याकडून सहकार्य मिळेल. मात्र मौल्यवान ऐवज आणि जिन्नस आज सांभाळा.

वृश्चिक - छोट्याश्या गोष्टीवरून जोडीदाराशी अबोला निर्माण होईल. पण मिळालेला वेळ कामाच्या ठिकाणी सत्कारणी लावा. व्यवसायात जोडीदाराबरोबर प्रगतीचे योग आहेत.

धनु - महत्त्वाचे निर्णय घेताना थोडेसे बुजरेपण जाणवेल. म्हणून आजचे निर्णय उद्यावर ढकलाल. सहज कामाच्या दृष्टीने दुपारनंतर कामे केल्यास फायदेशीर ठरेल.

मकर - शिव उपासना करावी. तीर्थक्षेत्रि भेटी होतील. जवळच्या लोकांच्या भेटी होतील. त्यांच्याकडून लाभ होईल. नातवंड सौख्याच्या दृष्टीने दिवस चांगला आहे.

कुंभ - राजकारण आणि समाजकारणामध्ये यश मिळेल. समाजाचे ऋण फेडण्यासाठी आज विशेष उर्मी निर्माण होईल. त्यासाठी सहकार्यांना बरोबर घेऊन कामे कराल.

मीन - मैत्री सुखाचा दिवस आहे. जुने मित्र भेटतील. आनंदी दिवस आहे. जुन्या गुंतवणुकी मधून फायदा होईल. आयुष्याची नवी सकाळ अनुभवाल.