Horoscope Today : काहींना लक्ष्मी प्राप्तीसाठी सुसंधी मिळतील, तर कोणाला होईल आजाराचे निदान, तुमची रास काय?

आजचे पंचांग

बुधवार,१३ नोव्हेंबर २०२४,कार्तिक शुक्लपक्ष,प्रदोष, तुलसी विवाहारंभ,चातुर्मास्य समाप्ति.

तिथी- द्वादशी ,१३|०२

रास- मीन २७|११ नं.मेष

नक्षत्र-रेवती

योग-वज्रयोग

करण- बालव

दिनविशेष-शुभ दिवस

मेष - धावपळीने, धडपडीने यश मिळवलेले आहे तेवढेच ते टिकवणे ही गरजेचे आहे. कदाचित आपल्या बोलण्यामुळे कोणी दुखावले गेले तर कामांमध्ये बिब्बा पडल्यासारखे काम होईल. काळजी घ्या.

वृषभ - प्रेमामध्ये यश मिळेल जुन्या गुंतवलेल्या गोष्टीतून आज फायद्याचा दिवस आहे. संकल्प सिद्धीला जातील.

मिथुन - कामासाठी प्रवास घडतील. योग्य रीतीने ठरवलेल्या गोष्टी पार पडतील. समाजकारणामधून यश दिसते आहे.

कर्क- पाण्याच्या ठिकाणी भाग्योदय होईल. संततीकडून सुवार्ता येतील. देवाविषयी विशेष आस्था वाटेल. चातुर्मास समाप्तीमुळे आपण केलेल्या उपासनेची योग्य फलिते आज मिळतील.

सिंह -धाडसाने पुढे जावेच लागेल. भले वाटेत किती काटे - कुटे आणि अडचणी आल्या तरीही सर्व बाजूला साराव्या लागतील. खोट्या स्तुतीच्या मागे जाऊ नका. वाईट गोष्टींची भुरळ यापासूनच सावधगिरी बाळगा.

कन्या- कामाचे स्वरूप, व्यवसायाचा आवाका वाढता राहील. भागीदाराच्या गोष्टी समजून घेतल्याने व्यवसाय वृद्धी होईल. दिवस चांगला आहे.

तूळ - जुने रोग डोके वर काढतील. स्त्रियांना गर्भाशयाची निगडित आजार असतील तर आज त्याचे निदान होईल. बाहेरचे खाणे टाळा. वृश्चिक- कलासक्त आणि रसिक असा आजचा दिवस जाणार आहे. प्रेम वीरांसाठी दिवस शुभ फलदायी आहे. लक्ष्मी प्राप्तीसाठी सुसंधी येतील.

धनू - घरी पाहुण्यांची उठबस राहील. आईचे विषयी जबाबदारी घ्यावी लागेल. मनस्वास्थ्य संदिग्नध राहील. नकारात्मकतेचे मळभ सोडून द्या.

मकर - भावंडांच्या सौख्याच्या दृष्टीने दिवस चांगला आहे. आपल्या कार्याला विशेष सन्मान मिळेल. लोकांकडून वाहवा होईल.

कुंभ- घरी सुसंवाद साधावा लागेल. तर मनासारख्या गोष्टी होतील. उगाचच धुसपूस आणि अबोला यापासून आज सावध राहा.

मीन - आपले रूप आणि सौंदर्य आज खुलून येईल. व्यक्तिमत्व उजळून निघेल. सकारात्मकता आणि आकर्षकता दोन्ही वाढेल.