Virat-Anushka : हातात हात अन् चेहऱ्यावर स्माइल; परदेशी मॉडेलच्या फोटोवरून चर्चेत आलेला विराट कोहली बायकोसोबत दिसला, VIDEO व्हायरल

गेल्याकाही दिवसांपासून विराट कोहली आणि अनुष्का शर्मा हे चांगलेच चर्चेत आहे. सध्या त्यांचा एक व्हिडीओ सोशल मीडियावर तुफान व्हायरल होत आहे. रविवारी विराट आणि अनुष्का एअरपोर्टवर स्पॉट झाले. जर्मन मॉडेल आणि इन्फ्लुएन्सर 'LizLaz' हिने पोस्ट केलेल्या एका फोटोला विराट कोहलीने लाईक केल्यामुळे जो ऑनलाइन वाद निर्माण झाला होता, त्यानंतर विराट-अनुष्का पहिल्यांदाच एकत्र दिसले आहेत.

सोशल मीडियावर वेगाने व्हायरल होणाऱ्या व्हिडीओमध्ये तुम्ही पाहू शकता की, विराट कोहली आणि अनुष्का शर्मा दोघे एअरपोर्टबाहेर पडताना दिसले. विराट कोहलीने काळ्या रंगाचा टी-शर्ट आणि निळ्या रंगाची जीन्स परिधान केली होती. तर अनुष्काने फ्लोरल प्रिंट कुर्ता आणि त्याला मॅचिंग पलाझो पँट परिधान केली होती. त्यावर हिरव्या रंगाचा दुपट्टा तिने घेतला होता. अनुष्का साध्या सिंपल लूकमध्येही खूपच सुंदर दिसत होती. व्हिडीतोत दोघे एकमेकांशी हसत बोलताना दिसले तसेच विराटने अनुष्काची बॅग देखील घेतली.

नेटकऱ्यांच्या प्रतिक्रिया

व्हायरल व्हिडीओवर नेटकरी कमेंट्स आणि लाइक्सचा वर्षाव करत आहेत. एका युजरने लिहिलं की, "किती क्युट जोडी आहे ही..." तर दुसऱ्या युजरने लिहिलं की, "विराट-अनुष्का वृंदावनला जात आहेत वाट..." या व्हिडीओनंतर विराट कोहली आणि अनुष्का शर्मामध्ये सर्वकाही छान चालू असल्याचे दिसून येते. 2017 ला विराट कोहलीने बॉलिवूड अभिनेत्री अनुष्का शर्मासोबत लग्नगाठ बांधली. त्यांना दोन मुलं देखील आहेत. त्यांच्या मुलांची नावे वामिका (मुलगी) आणि अकाय (मुलगा) आहेत.

काही दिवसांपासून इन्फ्लुएन्सर 'LizLaz'च्या पोस्टला विराट कोहलीने केलेला लाईक चर्चेचा विषय बनला. अखेर LizLaz ने क्रिकेटपटूने आपल्या फोटोला 'लाईक' करणे आणि नंतर ते 'अनलाईक' करणे यावर आपले मौन सोडले. 'हिंदुस्तान टाइम्स'च्या वृत्तानुसार, LizLaz म्हणाली, "खरं तर, मला त्याच्याबद्दल थोडी सहानुभूती वाटली. त्याने माझ्या फोटोला लाईक केले याचा मला खूप आनंद झाला होता; पण नंतर त्याने ते अनलाईक केल्यावर, मला त्याच्यासाठी थोडं वाईट वाटलं. कारण, या गोष्टीची इतकी मोठी बातमी कशी बनली, हे मलाच समजत नाहीये. कदाचित त्याचा तसा काहीच उद्देश नसावा; तरीही मी याबद्दल कृतज्ञ आहे आणि त्याने दिलेल्या अप्रत्यक्ष पाठिंब्याचे मी कौतुक करते."